نیویارک:بیلجیئم کی کوالیفائر مینن نے آرتھر ایش اسٹیڈیم میں گزشتہ شب خواتین کے سنگلز میچ میں دو بار کی چیمپئن وینس ولیمز کو6-1،6-1سے شکست دی۔
سابق عالمی نمبر ایک ولیمز اپنے کیریئر میں 24ویں گھریلو ٹورنامنٹ یو ایس اوپن کا مین ڈرا کھیل رہی تھیں۔ انہوں نے 2000 اور 2001 میں اپنے گھریلو گرینڈ سلیم ایونٹ میں لگاتار سنگلز خطاب جیتے، جبکہ وہ پانچ بار ومبلڈن سنگلز ٹائٹل بھی جیت چکی ہیں۔
وینس حالانکہ منگل کے مقابلے میں کوئی ہمت نہیں دکھا سکی اور اسے عالمی نمبر 97 مینن نے ایک گھنٹہ 13 منٹ میں شکست دی۔ولیمز نے میچ کے بعد کہاکہ مجھے اپنے حریف کو کریڈٹ دینا ہوگا۔ ایسا کوئی شاٹ نہیں تھا جو وہ نہیں لگا سکتی تھی۔ یہاں تک کہ جب میں نے واقعی حیرت انگیز شاٹس لگایاتھا تووہ ونر یا ڈراپ شاٹ کھیل رہی تھی۔