آئی سی سی انڈر 19 ورلڈ کپ 2022 کا فائنل میچ آج (5 فروری) کو اینٹیگا کے نارتھ گراؤنڈ سر ویوین رچرڈز اسٹیڈیم میں بھارت اور انگلینڈ کے درمیان کھیلا جائے گا۔ Ind vs Eng Final Match in Under-19 World Cup 2022
بھارت نے سیمی فائنل مقابلے میں آسٹریلیا کو 96 رنز سے شکست دے کر لگاتار چوتھی بار انڈر 19 ورلڈ کپ کے فائنل میں جگہ بنائی ہے۔ India U19 Beat Australia in Semi final
قابل ذکر ہے کہ بھارت اب تک سال 2000، 2008، 2012 اور 2018 میں اس ٹائٹل کو جیت چکا ہے اور اب بھارت کی کوشش ریکارڈ پانچویں ٹائٹل پر ہے۔ Four Times India won the U19 World Cup
انگلینڈ کی ٹیم نے پہلے سیمی فائنل میں افغانستان کو شکست دے کر فائنل میچ میں اپنی جگہ پکی کی اور دوسری بار یہ ٹرافی جیتنے کی کوشش کرے گی۔ فی الحال بھارت کو ٹائٹل کا مضبوط دعویدار سمجھا جا رہا ہے۔
اب تک اس ٹورنامنٹ میں بھارت نے اپنے پہلے میچ میں جنوبی افریقہ کو 45 رنز سے، آئرلینڈ کو 174 رنز سے، یوگانڈا کو 326 رنز سے، کوارٹر فائنل میں بنگلہ دیش کو پانچ وکٹوں سے اور سیمی فائنل میں آسٹریلیا کو 96 رنز سے شکست دی۔