میلبورن: زمبابوے کے کپتان کریگ اروین نے بھارت کے خلاف ٹی 20 ورلڈ کپ کے میچ سے قبل ہفتہ کے روز کہا کہ پاکستان پر جیت حاصل کرنے کے بعد ان کی ٹیم کا اعتماد بڑھا ہے اور وہ کسی بھی ٹیم کو شکست دے سکتی ہے۔ T20 World Cup 2022
اروین نے میچ سے قبل پریس کانفرنس میں کہاکہ “پاکستان کے خلاف جیت نے ہمیں اعتماد دیا ہے۔ ہم ٹورنامنٹ میں کسی بھی ٹیم کو ہرا سکتے ہیں۔ مجھے نہیں لگتا کہ اگلے میچ میں ہمارا اعتماد متزلزل ہو جائے گا۔‘‘
انہوں نے کہاکہ “میرے خیال میں ورلڈ کپ دلچسپ رہا ہے کیونکہ اس بار کئی قریبی مقابلے ہوئے ہیں۔ میں نے ایک چیز سیکھی ہے کہ آپ کبھی بھی میچ سے باہر نہیں ہوتے۔ اگر آپ کھیل میں رہنے اور اسے انجام تک پہنچانے کی کوشش کرتے ہیں تو نتیجہ کچھ بھی نکل سکتا ہے۔ ظاہر ہے کہ مختلف میچوں میں مختلف قسم کا دباؤ ہوتا ہے، اس لیے یہ آپ کے لیے فائدہ مند ہے کہ آپ میچ کو اختتام تک لے جائیں اور دوسری ٹیم کے سامنے نہیں گھبرانا آپ کے لیے فائدہ مند ہوتا ہے۔"
زمبابوے کی اب تک کی کامیاب مہم کی دھار ان کے تیز گیند باز رہے ہیں۔ بلیسنگ مجربانی 11 وکٹوں کے ساتھ ٹورنامنٹ میں سب سے زیادہ وکٹیں لینے والوں کی فہرست میں دوسرے نمبر پر ہیں۔ مجربانی کو رچرڈ ناگروا کا بھی ساتھ ملا ہے، جنہوں نے سات میچوں میں آٹھ وکٹیں حاصل کی ہیں۔ اروین نے کہا کہ بھارت کے خلاف میچ گیند بازوں کے لیے ٹورنامنٹ کی بہترین بیٹنگ یونٹوں میں سے ایک کے خلاف خود کو آزمانے کا بڑا موقع ہے۔