ٹی نٹراجن نے گھٹنے کی سرجری کروائی، ٹویٹر پر شیئر کی تصویر

دورہ آسٹریلیا کے بعد سے گھٹنے کی چوٹ سے جوجھ رہے بھارتی کرکٹ ٹیم کے تیز گیند باز ٹی نٹراجن نے گھٹنے کی کامیاب سرجری کرائی۔

آئی پی ایل میں سن رائزرس حیدرآباد کی جانب سے محض دو میچ کھیلنے کے بعد ہی مکمل آئی پی ایل سیزن سے باہر ہوجانے والے تیز گیند باز ٹی نٹراجن نے گھٹنے کی سرجری کروائی۔

ٹی نٹراجن نےسرجری کے بعد ٹویٹر پر ایک تصویر شیئر کرتے ہوئے کہا 'آج میں نے گھٹنے کی سرجری کرائی ہے۔ میڈیکل ٹیم، سرجنس، ڈاکٹرز، نرس اور ملازمین کی مہارت، توجہ اور احسان کے لیے شکریہ۔ میں بی سی سی آئی اور ان تمام کا شکر گزار ہوں جنہوں نے مجھے نیک خواہشات پیش کیں۔'

واضح رہے کہ گھٹنے کی چوٹ کے سبب نٹراجن ابتدائی دو آئی پی ایل میچوں کے بعد ہی ٹیم سے باہر ہوگئے تھے۔ بعد میں انہیں ٹورنامنٹ کے لیے پوری طرح سے عدم دستیاب قرار دے دیا گیا۔