آفریدی کی فلائٹ چھوٹ گئی، دو میچ نہیں کھیل سکیں گے

پاکستان کے سابق کھلاڑی اور لنکا پریمیئر لیگ (ایل پی ایل) میں گالے گلیڈیئٹرز کے کپتان شاہد آفریدی فلائٹ چھوٹ جانے کی وجہ سے وہ سیزن کے پہلے دو میچ میں شرکت نہیں کر سکیں گے۔

گالے گلیڈیئٹرز کیا جانب سے جاری کردہ بیان میں کہا گیا فلائٹ چھوٹ جانے کی وجہ سے شاہد آفریدی پہلے دو میچ نہیں کھیل پائیں گے لیکن انہیں امید ہے کہ وہ بدھ تک یہاں پہنچ جائیں گے۔

ٹیم کی جانب سے کہا گیا کہ 'آفریدی نے تصدیق کی ہے کہ وہ دو مقابلوں کے لیے دستیاب نہیں ہوں گے۔ آفریدی اگرچہ سری لنکا پہنچنے کے بعد تین دن تک آئسولیشن میں رہیں گے اور ٹیم کے ساتھ ایک بائیو سییف ماحول میں رہیں گے۔

واضح رہے کہ گزشتہ روز ہی گالے گلیڈیئیٹرز نے شاہد آفریدی کو اپنی ٹیم کا کپتان بنایا تھا۔