India vs New Zealand T20: بھارت کا سریز پر 0-3 سے قبضہ

بھارتی ٹیم نے کولکاتا میں کھیلے گئے تیسرے ٹی ٹونٹی میچ میں شاندار کارکردگی کا مظاہرہ کرتے ہوئے نیوزی لینڈ کو بری طرح شکست دی۔ کولکاتا کے ایڈن گارڈرن میں بھارت نے نیوزی لینڈ کو 73 رنز سے شکست دے کر ٹی ٹوئنٹی سیریز 0-3 سے اپنے نام کر لی۔ نئے کوچ راہل ڈریوڈ اور کپتان روہت شرما کی قیادت میں ٹیم انڈیا نے کھیل کے ہر میدان میں شاندار کارکردگی کا مظاہرہ کیا ہے۔

کولکاتا: کولکاتا میں کھیلے گئے تیسرے ٹی ٹونٹی میچ میں بھارتی ٹیم نے شاندار کارکردگی کا مظاہرہ کرتے ہوئے نیوزی لینڈ کو بری طرح شکست دے دی۔ کولکاتا کے ایڈن گارڈرن میں بھارت نے نیوزی لینڈ کو 73 رنز سے شکست دے کر ٹی ٹونٹی سیریز 0-3 سے اپنے نام کر لی۔

ٹیم انڈیا کے 184 رنز کے جواب میں نیوزی لینڈ کی ٹیم 17.2 اوور میں صرف 111 رنز بنا سکی اور ہندوستان نے یہ میچ 73 رنز کے بڑے اسکور سے جیت لیا۔ بھارتی ٹیم کی جانب سے گیند بازوں نے شاندار کھیل کا مظاہرہ کیا اور نیوزی لینڈ کا کوئی بھی بلے باز رن نہ بنا سکا۔

ٹیم انڈیا نے پہلے کھیلتے ہوئے روہت شرما کی نصف سنچری اننگز کی بنیاد پر 20 اوور میں 7 وکٹ پر 184 رن کا بڑا اسکور بنایا۔ اس میں دیپک چاہر کی اننگز کے آخری اوور میں دھوم مچانے والی اننگز تھی جنہوں نے صرف آٹھ گیندوں پر 21 رنز کی ناقابل شکست اننگز کھیلی۔ جس میں دو چوکے اور ایک چھکا شامل تھا۔ چاہر نے آخری اوور میں ایڈم ملنے کی گیندوں پر مجموعی طور پر 19 رنز بنائے۔

اننگز کے آغاز میں ایشان کشن نے روہت شرما کے ساتھ مل کر بھارت کو اچھا آغاز فراہم کیا اور 29 رنز بنانے کے بعد سینٹنر کے ہاتھوں آؤٹ ہوئے۔ کشن کا کیچ سیفرٹ نے پکڑا جبکہ سینٹنر نے سوریہ کمار یادو کو اپنا دوسرا شکار بنایا اور بغیر کھاتہ کھولے آؤٹ کر دیا۔ چار رنز کے سکور پر رشبھ پنت کو سینٹنر نے اپنا تیسرا شکار بنایا اور ان کا کیچ نیشام نے پکڑا۔

کپتان روہت شرما نے 31 گیندوں میں 56 رنز کی عمدہ اننگز کھیلی اور ایش سودھی کے ہاتھوں کیچ آؤٹ ہوئے۔ ہندوستان کی پانچویں وکٹ وینکٹیش ایر کے طور پر گری اور وہ 20 رنز بنا کر ٹرینٹ بولٹ کے ہاتھوں کیچ آؤٹ ہوئے۔ اسی دوران شریاس آئر 25 رنز بنانے کے بعد ایڈم ملنے کی گیند پر آؤٹ ہوئے۔ لکی فرگوسن 18 رنز کے اسکور پر ہرشل پٹیل کو وکٹ دے بیٹھے۔

آخر میں دیپک چاہر نے میچ میں رنگ بھر دیا اور 8 گیندوں میں ایک چھکے اور دو چوکوں کی مدد سے ناقابل شکست 21 رنز بنائے جبکہ اکشر پٹیل 2 رنز بنا کر ناٹ آؤٹ رہے۔ نیوزی لینڈ کی جانب سے سینٹنر نے سب سے زیادہ تین وکٹیں حاصل کیں۔

نیوزی لینڈ کے خلاف اس میچ کے لیے ٹیم انڈیا نے اپنی پلیئنگ الیون میں دو تبدیلیاں کی ہیں اور کے ایل راہل اور آر اشون کو آرام دیا ہے۔ ان کی جگہ ایشان کشن اور یوزویندر چہل کو ٹیم میں شامل کیا گیا ہے۔ دوسری جانب نیوزی لینڈ کی ٹیم ایک تبدیلی کے ساتھ میدان میں اتری اور ٹم ساؤتھی کو آرام دیا گیا۔ ان کی جگہ مچل سینٹنر نے کپتانی کی جب کہ لکی فرگوسن کی ٹیم میں واپسی ہوئی۔