عدالت عظمیٰ نے جسٹس پی ایس نرسمہا کی جانب سے معاملے میں اپنی رپورٹ درج نہ کرنے اور اس کے لیے اضافی وقت کےمطالبے کے بعد یہ اعلان کیا۔
سپریم کورٹ میں بی سی سی آئی معاملے کی سماعت دو ہفتوں کے لیے ملتوی - Board of Control for Cricket in India
سپریم کورٹ نے بی سی سی آئی کے ایک معاملے کی سماعت دو ہفتے کے لیے ملتوی کر دی ہے۔
Supreme Court
جسٹس ایل ناگیشور راؤ اور جج ونیت سرن کی دو رکنی بینچ بی سی سی آئی کی ایک درخواست پر سماعت کررہی ہے جس میں عہدیداروں کے لیے کولنگ آف پیریڈ (تین سال تک عہدے پر برقراررہنا) کو ختم کرنے کی اپیل کی گئی ہے جبکہ لوڈھا کمیٹی کی سفارش کی بنیادپر سپریم کورٹ کے ذریعہ منظور شدہ آئین کے مطابق ایک افسرکے عہدہ پر 6 سال کے بعد تین سال کولنگ آف لازمی ہے چاہے وہ ریاستی سطح پر ہو یا بی سی سی آئی میں۔
یہ معاملہ بی سی سی آئی کے صدر سورو گنگولی اور سکریٹری جئے شاہ کے عہدے پر بنے رہنے سے متعلق ہے جنہوں نے اپنا کردار جاری رکھنے کے لیے عدالت میں درخواست دی ہے۔ ان دونوں نے متعلقہ ریاستی ایسوسی ایشنز بنگال اور گجرات میں 6 برس مکمل کر لیے ہیں۔