IND vs SA T20I Tri Series Final جنوبی افریقہ نے بھارت کو پانچ وکٹوں سے شکست دی

جنوبی افریقہ میں کھیلی گئی تین ملکوں کے سیریز کے آخری میچ میں ٹیم انڈیا کو جنوبی افریقہ سے شکست کا سامنا کرنا پڑا۔ India vs South Africa Women

ایسٹ لندن:ویمنز ٹرائی سیریز ٹی ٹوئنٹی کے فائنل میں جنوبی افریقہ نے بھارت کو 5 وکٹوں سے شکست دے کر کپ اپنے نام کر لیا۔ سیریز بھارت، جنوبی افریقہ اور ویسٹ انڈیز کی ٹیموں کے درمیان کھیلی گئی۔ فائنل میں ٹاس جیت کر پہلے بیٹنگ کرتے ہوئے بھارت نے جنوبی افریقہ کو 110 رنز کا ہدف دیا۔ جواب میں جنوبی افریقی ٹیم نے 18 اوورز میں میچ جیت کر فائنل پر قبضہ کر لیا۔ ٹیم کی جانب سے چلو ٹریون نے نصف سنچری اسکور کی۔ انہوں نے صرف 32 گیندوں میں ناقابل شکست 57 رنز بنائے۔ بھارت کی جانب سے اسنیہ رانا نے 2 وکٹیں حاصل کیں۔

بھارت نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 109 رنز بنائے۔ ہرلین دیول نے 56 گیندوں میں 46 رنز بنائے۔ ہارلین نے اننگز کے دوران 4 چوکے لگائے۔ کپتان ہرمن پریت کور نے 22 گیندوں میں 2 چوکوں کی مدد سے 21 رنز بنائے۔ جمائما نے 11 رنز بنائے اور دیپتی شرما 14 گیندوں میں 16 رنز بنانے کے بعد ناٹ آؤٹ رہیں۔ وہیں پوجا وستراکر ایک رن بنانے کے بعد ناٹ آؤٹ رہیں۔ وہیں اوپنر کے لیے آنے والی اسمرتی مندھانا کچھ خاص نہیں کر سکیں۔ وہ بغیر کھاتہ کھولے آؤٹ ہو گئی۔

جنوبی افریقہ کی جانب سے نونکولیکو ملابا نے بہترین باؤلنگ کا مظاہرہ کیا۔ انہوں نے 4 اوورز میں صرف 16 رنز دے کر 2 وکٹیں حاصل کیں جبکہ آیا بونگا کھاکا نے 3 اوورز میں 17 رنز دے کر ایک وکٹ حاصل کی۔ کپتان سن لوس نے 4 اوورز میں 22 رنز دے کر ایک وکٹ حاصل کی۔ اس کے بعد بیٹنگ کے لیے آنے والی جنوبی افریقی ٹیم کے لیے ٹریون نے 32 گیندوں میں ناقابل شکست 57 رنز بنائے۔ انہوں نے اننگز میں 6 چوکے اور 2 چھکے لگائے۔ جبکہ ناڈین ڈی کلرک 17 رنز بنانے کے بعد ناٹ آؤٹ رہیں۔ اسی دوران اوپن کرنے کے لیے آئے وولوارڈٹ کھاتہ کھولے بغیر ہی آؤٹ ہو گئے۔ ساتھ ہی برٹس 8 رنز اور نیری ڈرکسن بھی 8 رنز بنانے کے بعد آؤٹ ہوئے۔ کپتان سن لوس نے 13 گیندوں پر 12 رنز بنائے۔