Shabnim Ismail announces international retirement جنوبی افریقہ کی فاسٹ باؤلر شبنم اسماعیل نے ریٹائرمنٹ کا اعلان کیا

جنوبی افریقہ کی فاسٹ باؤلر شبنم اسماعیل نے انٹرنیشنل کرکٹ سے ریٹائرمنٹ لے لیا۔ ورلڈ کپ میں سب سے زیادہ وکٹیں لینے کا ریکارڈ شبنم کے پاس ہے۔ اس کے علاوہ شبنم جنوبی افریقہ کی پہلی خاتون گیند باز ہیں جنہوں نے خواتین کے T20 انٹرنیشنل فارمیٹ میں 100 وکٹیں لیں ہیں۔ Shabnim Ismail announces international retirement

نئی دہلی: جنوبی افریقہ کی فاسٹ باؤلر شبنم اسماعیل نے جنوبی افریقہ کے لیے اپنے 16 سالہ بین الاقوامی کیریئر سے ریٹائرمنٹ لے لی ہے۔ اسماعیل کی شاندار کارکردگی کے باعث جنوبی افریقہ کی ٹیم آئی سی سی ویمنز ٹی ٹوئنٹی ورلڈ کپ 2023 کے فائنل میں پہنچی تھی۔ جنوبی افریقہ ویمنز ٹی ٹوئنٹی ورلڈ کپ میں پہلی بار فائنل کی دوڑ میں پہنچی تھی۔ تاہم جنوبی افریقہ کو فائنل میچ میں آسٹریلیا کے ہاتھوں 19 رنز سے شکست کا سامنا کرنا پڑا۔ فائنل میچ میں بھی شبنم نے شاندار کارکردگی کا مظاہرہ کیا تھا۔ شبنم نے 4 اوورز میں 26 رنز دے کر 2 وکٹیں حاصل کیں تھی۔

اس ٹورنامنٹ کے ساتھ ہی شبنم اسماعیل ویمنز ٹی ٹوئنٹی ورلڈ کپ میں سب سے زیادہ وکٹیں لینے والی بولر ہیں۔ شبنم اسماعیل کے پاس 32 میچوں میں 43 وکٹیں لینے کا ریکارڈ ہے۔ اس کے ساتھ ہی ورلڈ کپ میں کسی ایک مخالف ٹیم کے خلاف سب سے زیادہ وکٹیں لینے کا ریکارڈ بھی شبنم کے پاس ہے۔ انہوں نے آسٹریلیا کے خلاف 11 وکٹیں حاصل کیں۔ 34 سالہ شبنم کے بین الاقوامی کرکٹ کیریئر کی بات کریں تو انہوں نے 127 ون ڈے میچوں میں 191 وکٹیں حاصل کی ہیں۔ جب کہ 113 ٹی ٹوئنٹی میں 123 وکٹیں حاصل کی ہیں۔ انہوں نے صرف 1 ٹیسٹ میچ کھیلا جس میں انہوں نے 3 وکٹیں حاصل کیں۔

اس کے ساتھ ہی بھارت میں حال ہی میں شروع ہونے والی ویمنز پریمیئر لیگ کے پہلے سیزن میں شبنم سمائل کو یوپی واریئرز فرنچائز نے ایک کروڑ میں سائن کیا تھا۔ شبنم کی بنیادی قیمت 50 لاکھ روپے تھی۔ تاہم شبنم ڈبلیو پی ایل میں اپنی باؤلنگ سے کچھ خاص نہیں کر سکیں۔ ٹورنامنٹ میں یوپی واریئرز نے اپنے 9 میچ کھیلے، لیکن شبنم کل 3 میچوں میں پلیئنگ الیون کا حصہ تھیں۔ شبنم نے ان تینوں میچوں میں 3 وکٹیں حاصل کیں۔