ممبئی: کرکٹ ورلڈ کپ 2019 میں بھارت کے لیے کلیدی کردار ادا کرنے والے دھون آخری بار فروری 2022 میں بھارت کے لیے کھیلے تھے۔ ویسٹ انڈیز کے خلاف تین ایک روزہ میچوں کی سیریز میں انہیں صرف ایک میچ میں موقع دیا گیا۔ دھون نے اس میچ میں 10 (26) رن بنائے۔ ہاردک نے اپنا آخری ون ڈے جولائی 2021 میں کھیلا، حالانکہ وہ گزشتہ ماہ جنوبی افریقہ کے خلاف ٹی۔ 20 سیریز میں ٹیم کا حصہ تھے۔ انہوں نے دورہ آئرلینڈ کے دوٹی۔ 20 میچوں میں بھارت کی کپتانی بھی کی تھی۔ Dhawan and Pandya Return To The Squad
کے ایل راہل جو جرمنی میں اپنی چوٹ کا علاج کر رہے ہیں، کو ٹیم میں شامل نہیں کیا گیا۔ نوجوان تیز گیند باز ارش دیپ سنگھ نے اس سیریز کے ساتھ اپنا پہلا ون ڈے کال اپ حاصل کرلیا ہے۔ بی سی سی آئی نے بتایا کہ انگلینڈ کے خلاف تین میچوں کی ٹی ٹوئنٹی سیریز کے لیے دو ٹیموں کا انتخاب کیا گیا ہے۔ سنجو سیمسن اور راہل ترپاٹھی کو پہلے ٹی ٹوئنٹی کے لیے ٹیم میں رکھا گیا ہے جب کہ دونوں کو دوسرے اور تیسرے ٹی ٹوئنٹی میچ کے لیے آرام دیا گیا ہے۔ Dhawan and Pandya Return To The Squad
انہوں نے بتایا کہ وراٹ کوہلی، شریئس ایر، رشبھ پنت اور جسپریت بمراہ دوسرے میچ سے ٹیم کو جوائن کریں گے۔ بھارت کے ٹاپ بالر محمد سمیع کو ٹی ٹوئنٹی سیریز کے لیے آرام دیا گیا ہے جبکہ محمد سراج کو دوسرے اور تیسرے ٹی ٹوئنٹی کے لیے ٹیم سے باہر رکھا گیا ہے۔ ODI Series Between India and England