IND vs ENG 5th Test: پنت کی شاندار سنچری، پہلے دن بھارت کا سات وکٹ پر 338 رنز

ایجبسٹن میں کھیلے جا رہے پانچویں ٹیسٹ میچ میں بھارت نے انگلینڈ کے خلاف پہلے دن 7 وکٹوں کے نقصان پر 338 رنز بنا لیے ہیں۔ رشبھ پنت 146 رنز بنا کر آؤٹ ہوئے۔ وہیں جڈیجہ 83 رنز بناکر ناٹ آؤٹ ہیں۔ India vs England 5th Test Day 1 Stumps

برمنگھم: بھارت اور انگلینڈ کے درمیان ایجبسٹن ٹیسٹ کے پہلے دن کا کھیل ختم ہونے تک بھارت نے سات وکٹوں کے نقصان پر 338 رنز بنا لیا ہے۔ ایک وقت پر بھارت نے 98 رنز پر اپنے پانچ وکٹ گنوا دیے تھے۔ شبمن گل 17 رنز، چیتشور پجارا 13 رنز، ہنوما وہاری 20 رنز، وراٹ کوہلی 11 رنز اور شریاس ایئر 15 رنز بنا کر آؤٹ ہوئے۔ India 338/7 against England on Day 1

ٹاس ہارنے کے بعد پہلے بیٹنگ کرتے ہوئے بھارت نے صرف 98 رنز پر اپنے پانچ وکٹ گنوا دیے تھے لیکن پنت اور جڈیجہ نے پھر دلیری سے کھیلتے ہوئے ڈبل سنچری کی شراکت قائم کی۔ پنت آخری سیشن میں 111 گیندوں میں 20 چوکوں اور چار چھکوں کی مدد سے 146 رنز بنا کر آؤٹ ہوئے۔ لیکن تب تک وہ بھارت کو مشکل سے نکال چکے تھے۔ جڈیجہ 163 گیندوں میں دس چوکوں کی مدد سے 83 رنز بنانے کے بعد کریز پر موجود ہیں۔ محمد شامی جڈیجہ کے ساتھ صفر پر ناٹ آؤٹ ہیں۔ Rishabh Pant century

بھارت نے آخری سیشن میں 164 رنز جوڑ کر ٹیم کو بہت مضبوط پوزیشن میں پہنچا دیا۔ اس کارکردگی کا سہرا پنت کو جاتا ہے، جنہوں نے نہ صرف اپنی پانچویں سنچری بنائی بلکہ ٹیسٹ کرکٹ میں دو ہزار رنز بھی مکمل کیے۔ تاہم وہ 159 ناٹ آؤٹ کے اپنے بہترین اسکور کو عبور کرنے میں ناکام رہے۔

وہیں جڈیجہ نے اپنے ٹیسٹ کیریئر کی 18ویں نصف سنچری بنائی۔ شاردول ٹھاکر ایک رن بنانے کے بعد آؤٹ ہوئے۔ انگلینڈ کی جانب سے جیمز اینڈرسن نے اب تک تین اور میٹی پوٹس نے دو وکٹیں حاصل کی ہیں۔ روٹ اور اسٹوکس نے ایک ایک وکٹ حاصل کی۔ پانچ میچوں کی سیریز میں بھارتی ٹیم کو 2-1 سے آگے ہے۔