نوجوان وکٹ کیپر بلے باز رشبھ پنت اور تھرو ڈاون ماہر دیانند گرانی انگلینڈ دورے میں کووڈ 19 مثبت پائے گئے ہیں جس کے بعد انہیں آئسولیٹ کر دیا گیا ہے۔
ان کے قریبی رابطے میں آئے مزید تین ارکان ردھیمان ساہا، ابھمنیو ایشورن اور بھرت ارون کو بھی آئیسولیٹ کردیا گیا ہے۔
اس درمیان بی سی سی آئی نے ایک بیان میں تصدیق کی ہے کہ پنت 8 جولائی کو مثبت پائے گئے تھے اور وہ تب سے آئیسولیشن میں ہیں جبکہ گرانی 14 جولائی کو کورونا متاثر ہوئے۔
واضح رہے کہ بھارتی ٹیم ورلڈ ٹیسٹ چیمپیئن شپ فائنل کے بعد تین ہفتے کے بریک پر ہے جس کے بعد وہ انگلینڈ سے 5 ٹیسٹ میچوں کی سیریز کھیلے گی۔
