کولکاتا:ایک اضافی آل راؤنڈر یا اضافی بلے باز کھلانے کے سوال پر کمنس نے آج کہا کہ ہم ٹاس کے وقت اپنے گیارہ کا اعلان کریں گے۔ خیال کیا جا رہا ہے کہ آسٹریلیا گیارہ میں مارنس لیبوشگن اور مارکس اسٹوئنس دونوں کو شامل کر سکتا ہے۔ آسٹریلیائی کپتان نے جنوبی افریقہ سے نمٹنے کے لیے الیون کے بارے میں اپنا ذہن بنا لیا ہے، ان کا کہنا ہے کہ وہ اب بھی اس بات پر غور کر رہے ہیں کہ اپنے حتمی اسکواڈ میں ایک اضافی آل راؤنڈر یا ایک اضافی بلے باز کو شامل کیا جائے یا نہیں۔
میکسویل کی چوٹ پر کمنس نے کہاکہ گلین میکسویل بالکل ٹھیک ہیں۔ کل انہیں تھوڑا سا درد محسوس ہوا لیکن ہم اس بات کو یقینی بنانے کی کوشش کر رہے ہیں کہ وہ مکمل صحت یاب ہونے کے بعد ہی میدان میں آئیں، اس لیے ان کا اسکین کرایا گیا جس سے وہ مکمل طور پر فٹ ہیں۔ وہ بالکل ٹھیک ہے۔
جنوبی افریقہ اور آسٹریلیا کے درمیان کل ہونے والے دوسرے سیمی فائنل سے قبل گلین میکسویل کا فٹ ہونا آسٹریلیائی ٹیم کے لیے ایک بڑا چیلنج ہے۔ میکسویل افغانستان کے خلاف بیٹنگ کرتے ہوئے زخمی ہو گئے تھے۔ اگر میکسویل جنوبی افریقہ کے خلاف کھیلتے ہیں تو مارکس اسٹوئنس کو باہر بیٹھنا پڑے گا۔