کراچی:پاکستان اور نیوزی لینڈ کے درمیان پہلے ون ڈے میں کپتان بابراعظم نے ٹاس جیت کر پہلے فیلڈنگ کا فیصلہ کیا ہے۔ کراچی کے نیشنل اسٹیڈیم میں کھیلے جا رہے سیریز کے پہلے ون ڈے میچ میں پاکستان کے کپتان بابر اعظم نے ٹاس جیت کر پہلے نیوزی لینڈ کو بیٹنگ کی دعوت دی۔ کپتان بابراعظم کے مطابق پاکستان کی جانب سے اسامہ میر آج ڈیبیو کررہے ہیں۔ Pakistan vs New Zealand first ODI Match
قومی ٹیم میں فخر زمان، امام الحق، بابراعظم، محمد رضوان، حارث سہیل، آغا سلمان، محمد نواز، اسامہ میر، نسیم شاہ، محمد وسیم اور حارث رؤف شامل ہیں۔ کین ولیمسن نے کہا کہ نیوزی لینڈ کی ٹیم میں بھی ایک تبدیلی کی گئی ہے اور ہینری شپلی کو ٹیم میں شامل کیا گیا ہے۔ نیوزی لینڈ کی ٹیم ڈیون کانوے، فن ایلن، کین ولیمسن، ڈیرل مچل، ٹام لیتھم، گلین فلپس، مائیکل بریس ویل، مچل سنٹر، ہیری شپلے، ٹم سوتھی اور فرگوسن پر مشتمل ہے۔