کپتان بابر اعظم کی قیادت میں پاکستانی ٹیم دو ٹیسٹ میچوں کی سیریز کے لیے جولائی میں سری لنکا کا دورہ کرے گی۔ سری لنکا کرکٹ نے ایک پریس ریلیز میں یہ معلومات دی۔ سیریز کا پہلا ٹیسٹ میچ 16 سے 20 جولائی تک گالے اسٹیڈیم میں کھیلا جائے گا جبکہ دوسرا میچ 24 جولائی تک پریم داسا اسٹیڈیم میں کھیلا جائے گا۔ Pakistan Test Squad for Sri Lanka Tour
پاکستان کرکٹ بورڈ نے دورہ سری لنکا کے لیے 18 رکنی قومی ٹیسٹ اسکواڈ کا اعلان کردیا ہے جس میں یاسر شاہ اور سلمان علی آغا کی واپسی ہوئی ہے۔ پاکستان نے آخری بار 2015 میں سری لنکا کا دورہ کیا تھا جہاں مہمان ٹیم نے تین میچوں کی سیریز 2-1 سے جیتی تھی۔ دوسری جانب پاکستان کرکٹ بورڈ نے اس دورے کے لیے ٹیم کا اعلان کر دیا ہے۔ پاکستان کے ٹاپ لیگ اسپنر یاسر شاہ اس دورے پر ٹیم میں واپس آ رہے ہیں۔ 36 سالہ یاسر انگوٹھے کی انجری کے باعث ٹیم سے باہر ہوگئے تھے تاہم اب انہیں دورہ سری لنکا کے لیے 18 رکنی اسکواڈ میں شامل کر لیا گیا ہے۔ اس کے علاوہ اسپن آل راؤنڈر محمد نواز کی بھی ٹیم میں واپسی ہوئی ہے جب کہ ان کیپڈ پلیئر سلمان علی آغا کو پہلی بار ٹیم میں شامل کیا گیا ہے۔