جنوبی افریقہ South Africa کے تین وکٹ پر 238 کے اسکور پر آج کے دن کا کھیل شروع ہوا۔ نیوزی لینڈ کی جانب سے شاندار بولنگ دیکھنے کو ملی۔ نیل ویگنر، میٹ ہنری اور کائل جیمیسن کی خطرناک باؤلنگ کی وجہ سے جنوبی افریقہ صرف 126 رنز کا اضافہ کر سکا اور 133 اوورز میں 364 رنز بنا کر آؤٹ ہو گیا۔
ویگنر نے 31 اوورز میں 102 رنز دے کر چار وکٹیں حاصل کیں، ہنری نے تین، جیمیسن نے دو اور ٹم ساؤتھی نے ایک وکٹ لیا۔ تاہم نیوزی لینڈ بلے بازی میں پست ہوگیا۔
کاگیسو ربادا اور مارکو یانسن کی خطرناک گیندبازی کے آگے نیوزی لینڈ کے ٹاپ آرڈر کے پانچوں بلے باز محض 91 کے اسکور کے اندر پویلین لوٹ گئے۔