سری لنکا کے پاس سنہری موقع

سال کے آغاز میں جنوبی افریقہ میں تاریخی ٹیسٹ سیریز جیت کر دھوم مچانے والی سری لنکا کی ٹیم کے پاس ٹیسٹ میچوں کی عالمی درجہ بندی میں لمبی جست لگانے کا سنہری موقع ہے۔

سری لنکا کی ٹیم کا نیوزی لینڈ کے خلاف بھی جیت کا سلسلہ جاری ہے اور غیر یقینی حالات کے باوجود ٹیسٹ کھلاڑیوں کی کاکردگی شاندار ہے۔
سری لنکا اگر جمعرات سے کولمبو میں شروع ہونے والے دوسرے ٹیسٹ میں کارکردگی کا تسلسل جاری رکھتی ہے اور کامیابی حاصل کرتی ہے تو ٹیم ورلڈ ٹیسٹ چیمپیئن شپ کی پہلی سیریز کے ساتھ ہی ٹاپ رینک ایشیزکھیلنے والی آسٹریلیا اور انگلینڈ سے بھی آگے نکل جائے گی۔
جبکہ نیوزی لینڈ ٹیم یہ میچ بھی ہارگئی تو ایشیز ٹیسٹ کے نتیجے کی روشنی میں اس کی دوسری پوزیشن خطرے میں پڑسکتی ہے۔ 2 میچوں کی سیریز کا دوسرا اور آخری میچ کولمبو میں شروع ہوگا۔
نیوزی لینڈ نے سری لنکا میں 2012 میں ٹیسٹ جیتا تھا۔ کین ولیمسن اور راس ٹیلر نے اس میچ میں سنچری بنائی تھیں۔میزبان ٹیم میں دلروان پریرا کی واپسی ہوگئی ہے۔مہمان ٹیم میں نیل ویگنر کی شمولیت کا امکان ہے۔
پی سارا اوول کولمبو میں سری لنکا کا ٹیسٹ ریکارڈاچھا نہیں ہے جہاں ٹیم 9 میچوں میں جیتی ہے تو سات میچوں میں اسے شکست کا سامنا کرنا پڑا ہے ۔