نیویارک؍ممبئی: کرکٹ کا جادو امریکہ میں بھی عروج پر ہے میجر لیگ کرکٹ ٹی ٹوئنٹی ٹورنامنٹ کا فائنل میچ امریکہ کے گرینڈ پریری اسٹیڈیم میں ہوا فائنل میچ میں ممبئی انڈینز نے سیٹل اورکاس کو 7 وکٹوں سے شکست دی سیٹل اورکاس نے مقررہ 20 اوورز میں 9 وکٹوں کے نقصان پر 183 رنز بنائے۔ ممبئی انڈینز نیویارک نے 16 اوورز میں 3 وکٹوں کے نقصان پر 184 رنز بنا کر میچ جیت لیا۔ اس کا کہنا ہے کہ ممبئی انڈینز اب ایک عالمی اسپورٹس برانڈ بن چکا ہے، ان کی ٹیمیں 3 براعظموں، 4 ممالک، 5 مختلف لیگز میں کھیلتی ہیں۔
ممبئی انڈینز نیویارک کے لیے نکولس پورن نے 55 گیندوں پر 137 رنز کی شاندار کپتانی کی اننگز کھیلی۔ پورن نے گراؤنڈ کے کونے کونے میں چوکے اور چھکے لگائے، فائنل میچ میں ان کی تاریخی پاری میں 10 چوکے اور 13 چھکے شامل تھے۔ سیٹل اورکاس کی جانب سے کھیلتے ہوئے کوئنٹن ڈی کاک نے سب سے زیادہ 87 رنز بنائے۔ ممبئی انڈینز نیویارک کی جانب سے بولنگ کرتے ہوئے ٹرینٹ بولٹ اور راشد خان نے 3-3 وکٹیں حاصل کیں۔ممبئی انڈینس نیو یارک کی جیت پر خوشی کا اظہار کرتے ہوئے نیتا امبانی نے کہا کہ ’’ یہاں کا ماحول کرکٹ کے تہوار جیسا لگتا ہے۔ ' میجر لیگ کرکٹ' خطے میں کرکٹ کی ترقی میں اہم کردار ادا کر رہی ہے۔ یہ حیرت انگیز ہے کہ کرکٹ پوری دنیا میں بڑھ رہی ہے۔
یہ بھی پڑھیں:T10 Final 2023 ڈربن قلندرز ٹی ٹین لیگ کی پہلی فاتح بن گئی
ممبئی انڈینز خاص طور پر متحدہ عرب امارات سے امریکہ اور جنوبی افریقہ تک پہنچ گئی ہے۔ ہمارے پاس خواتین کی ٹیم بھی ہے، جس پر مجھے بہت فخر ہے۔ میں کھیلوں میں آگے بڑھنے والی لڑکیوں کی حامی ہوں اور مجھے امید ہے کہ ہم اسے ہر کھیل میں آگے لے جاسکتے ہیں۔
یو این آئی
