Virat Kohli: کوہلی 8000 ٹیسٹ رنز بنانے والے چھٹے بھارتی بنے

بھارتی کرکٹ ٹیم کے سابق کپتان وراٹ کوہلی نے سری لنکا کے خلاف کھیلتے ہوئے 100ویں ٹیسٹ میچ میں 8000 رنز کا ہندسہ عبور کر لیا، جس کے بعد وہ آٹھ ہزار ٹیسٹ رنز بنانے والے چھٹے بھارتی بلے باز بن گئے ہیں۔ اس سے قبل سچن تیندولکر، راہل دراوڈ، وریندر سہواگ، سنیل گواسکر اور وی وی ایس لکشمن نے آٹھ ہزار سے زائد رنز اپنے نام کیے تھے Virat Kohli crossed 8000 runs in Test match۔

موہالی:ہندوستانی کرکٹ ٹیم کے سابق کپتان وراٹ کوہلی نے یہاں سری لنکا کے خلاف پہلے ٹیسٹ کرکٹ میچ کے پہلے دن جمعہ کو اپنے 100ویں ٹیسٹ میچ میں 8000 رنز کا ہندسہ عبور کر لیا۔ اس کے ساتھ وہ 8000 ٹیسٹ رنز بنانے والے چھٹے ہندوستانی بلے باز بھی بن گئے۔

کوہلی نے سری لنکا کے تیز گیند باز وشوا فرنانڈو کی گیند پر پوائنٹ پر ایک سنگل لے کر 169 اننگز میں یہ کارنامہ انجام دیا۔ وہ کرکٹ کی تاریخ میں 100ویں ٹیسٹ میچ میں آٹھ ہزار رنز مکمل کرنے والے دوسرے بلے باز بنے ہیں۔ ان سے پہلے آسٹریلیا کے عظیم بلے باز رکی پونٹنگ نے 2006 میں سڈنی میں جنوبی افریقہ کے خلاف اپنے 100ویں ٹیسٹ میں سنچری بنا کر یہ ریکارڈ حاصل کیا تھا Kohli became the sixth Indian to score 8000 Test runs۔

ہندوستانی بلے بازوں کی بات کریں تو سچن تیندولکر (154 اننگز)، راہل دراوڈ (157)، وریندر سہواگ (160)، سنیل گواسکر (166) اور وی وی ایس لکشمن (201) آٹھ ہزار رنز بنانے کا کارنامہ انجام دے چکے ہیں۔

ہندوستان کے لیے 100 واں ٹیسٹ میچ کھیلنے کے ساتھ ہی وراٹ نے سچن، دراوڈ، گواسکر، لکشمن، سورو گنگولی، وریندر سہواگ، انیل کمبلے، ہربھجن سنگھ، کپل دیو، دلیپ وینگسرکر اور ایشانت شرما پر مشتمل ایلیٹ کلب میں بھی شمولیت اختیار کی۔

قابل ذکر ہے کہ میچ شروع ہونے سے قبل وراٹ کو ان کے بچپن کے ہیرو اور ہندوستان کے موجودہ ہیڈ کوچ راہل دراوڈ نے مخصوص کیپ بھی پیش کی تھی۔

(یو این آئی)