Kapil Dev Wants To Slap Rishabh Pant کیا کپل دیو رشبھ پنت سے ناراض ہیں، کیوں طمانچہ رسید کرنا چاہتے ہیں

سابق بھارتی کپتان کپل دیو نے رشبھ پنت کے حوالے سے ایک بیان دیا ہے۔ انہوں نے کہاکہ وہ صحت یاب ہونے کے بعد رشبھ پنت کو زور دار طمانچہ ماریں گے۔ Kapil Dev wants to slap Rishabh Pant

نئی دہلی:بھارتی ٹیم کے سابق کپتان اور تجربہ کار بلے باز کپل دیو ٹیم انڈیا کے وکٹ کیپر بلے باز رشبھ پنت سے ناراض ہوگئے۔ انہوں نے ایک بیان میں کہا ہے کہ وہ صحت یاب ہونے کے بعد رشبھ پنت کو زور دار طمانچہ مارنا چاہتے ہیں۔ آخر کپل دیو پنت پر اتنا ناراض کیوں ہیں؟ اس بات کا انکشاف خود کپل دیو نے کیا ہے۔ پنت نے سوشل میڈیا پر کچھ پوسٹس شیئر کیس جس پر کپل دیو، پنت سے ناراض ہیں۔ کار حادثے کے بعد رشبھ پنت اسپتال میں اپنا علاج کروا رہے ہیں۔ اسپتال میں علاج کے بعد پنت کی حالت میں بھی بہتری آرہی ہے۔

کپل دیو کے رشبھ پنت کو طمانچہ مارنے والی بات سوشل میڈیا پر خوب وائرل ہورہی ہے۔ اب سب کے ذہن میں یہ سوال اٹھ رہا ہے کہ آخر کپل دیو ایسا کیوں کرنا چاہتے ہیں؟ بتا دیں کہ 8 فروری کو رشبھ پنت نے اپنے انسٹاگرام سے ایک کہانی شیئر کی تھی۔ پنت نے اس کہانی کے کیپشن میں باہر کی کھلی ہوا کا ذکر کیا تھا۔ اس کے بعد ہی سابق تجربہ کار کرکٹر کپل دیو کا بیان آیا کہ جیسے ہی پنت ٹھیک ہو جائیں گے تو انہیں زوردار تھپڑ ماریں گے۔ کپل دیو نے یہ بات غصے میں نہیں بلکہ بہت پیار بھرے انداز میں کہی۔

کپل دیو نے ایک انٹرویو میں کہا تھا کہ 'میں ان سے بہت پیار کرتا ہوں۔ میں چاہتا ہوں کہ رشبھ پنت ٹھیک ہو جائیں تاکہ میں اسے تھپڑ مار سکوں اور اسے کہوں کہ وہ اپنا خیال رکھیں۔ کپل دیو کا کہنا ہے کہ رشبھ پنت کے حادثے کی وجہ سے ٹیم انڈیا مشکل میں ہے۔ پنت کی بھارتی ٹیم میں غیر موجودگی کو نقصان پہنچ رہا ہے۔ پنت پر برہمی کا اظہار کرتے ہوئے کپل دیو نے کہا کہ آج کے بچے ایسی غلطیاں کیوں کرتے ہیں۔ کپل دیو نے کہا کہ والدین کی ذمہ داری ہے کہ وہ اپنے بچوں سے غلطی کرنے پر تھپڑ ماریں۔ تاکہ وہ دوبارہ ایسی غلطی نہ کریں۔ انہوں نے اسی تناظر میں پنت کو تھپڑ مارنے کی بات کہی ہے۔ رشبھ پنت ممبئی کے کوکیلابین اسپتال میں زیر اعلاج ہیں۔ پنت کی کئی سرجری ہوئی ہیں، جن سے وہ اب صحت یاب ہو رہے ہیں۔ اس کی وجہ سے پنت 9 فروری سے کھیلے جانے والے بارڈر-گاوسکر ٹرافی سے لے کر کئی اہم ٹورنامنٹس سے محروم ہیں۔