ممبئی:بھارت کے تجربہ کار آل راؤنڈر رویندر جڈیجہ اگلے ماہ بنگلہ دیش کے دورے سے باہر ہو سکتے ہیں اور بھارتی کرکٹ کنٹرول بورڈ (بی سی سی آئی) اس دورے کے لیے ان کے متبادل کی تلاش کر رہا ہے۔ کرک بز نے منگل کے روز بی سی سی آئی اور جڈیجہ کے آبائی شہر راجکوٹ کے ذرائع کے حوالے سے کہا کہ جڈیجہ اب تک اپنے گھٹنے کی چوٹ سے مکمل طور پر ٹھیک نہیں ہوئے ہیں۔ Jadeja likely to Miss Bangladesh tour
بتادیں کہ جڈیجہ ایشیا کپ 2022 میں ہانگ کانگ کے خلاف میچ کے دوران زخمی ہو گئے تھے جس کے بعد ان کے گھٹنے کی سرجری ہوئی تھی۔ اس انجری کے باعث وہ ایشیا کپ اور ٹی ٹوئنٹی ورلڈ کپ 2022 کے بقیہ میچوں میں حصہ نہیں لے سکے تھے۔ 31 اکتوبر کو بنگلہ دیش کے دورے کے لیے ٹیم کا اعلان کرتے ہوئے بی سی سی آئی نے کہا تھا کہ ٹیم میں جڈیجہ کی موجودگی ان کی صحت پر منحصر ہوگی۔ قومی سلیکشن کمیٹی سے دستبرداری کے بعد صورتحال تشویشناک ہے، لیکن چیتن شرما کی کمیٹی اس وقت کام کر رہی ہے اور وہ اگلے ہفتے تک بنگلہ دیش کے دورے کے لیے جڈیجہ کے متبادل کا اعلان کر سکتے ہیں۔