نئی دہلی: دہلی کیپٹلس کے ریگرلر کپتان رشبھ پنت منگل کے روز اپنی ٹیم دہلی کیپٹلز کی حمایت کے لیے ارون جیٹلی اسٹیڈیم پہنچے۔ پنت کو دہلی کیپٹلس کے پہلے ہوم میچ کے دوران اپنی ٹیم کی حوصلہ افزائی کرتے ہوئے دیکھا گیا۔ وہ گزشتہ دسمبر میں دہلی سے روڑکی جاتے ہوئے حادثے کا شکا ہوگئے۔ تاہم سرجری کے بعد اب وہ صحت یاب ہورہے ہیں۔ جب کہ وہ کرکٹ کے میدان سے دور ہیں اور آئی پی ایل 2023 کے سیزن سے باہر ہوگئے ہیں۔ رشبھ پنت جب اپنی ٹیم دہلی کو سپورٹ کرنے کے لیے اسٹیڈیم گئے تو گراؤنڈ میں موجود تماشائیوں نے پنت کے نام کے پوسٹر دکھا کر ان کا استقبال کیا۔ پنت کو کافی دیر بعد اسٹیڈیم میں دیکھ کر کھلاڑیوں کے ساتھ شائقین بھی کافی خوش نظر آئے۔
دہلی کیپٹلس نے اپنے ٹوئٹر ہینڈل سے رشبھ پنت کی اسٹیڈیم میں بیٹھ کر میچ دیکھنے کی تصویر اور ویڈیو شیئر کی ہے۔ دہلی اور گجرات کے درمیان یہ میچ کافی سنسنی خیز رہا۔ یہ شائقین اور کرکٹرز کے لیے بہت خاص تھا۔ حادثے کے بعد پنت کو پہلی بار اسٹیڈیم میں دکھایا گیا۔ پنت اپنی ٹیم کی حوصلہ افزائی کےلیے اسٹیڈیم پہنچے تھے، لیکن دہلی کو پھر بھی شکست کا سامنا کرنا پڑا۔