نئی دہلی: ریلائنس کی ملکیت والی Viacom-18 پرائیویٹ لمیٹڈ نے خواتین کے آئی پی ایل کو نشر کرنے کے حقوق حاصل کر لیے ہیں۔ بی سی سی آئی سکریٹری جے شاہ نے یہ جانکاری دی۔ انہوں نے Viacom۔18 کو خواتین کے IPL کے میڈیا رائٹس جیتنے پر مبارکباد بھی دی۔ Viacom 18 bags media rights for Women's IPL
جے شاہ نے کہاکہ بی سی سی آئی اور بی سی سی آئی خواتین میں اعتماد بحال کرنے کے لیے وائی کام-18 کا شکریہ۔ Viacom نے پانچ برسوں (2023-27) کے لیے 951 کروڑ روپے میڈیا رائٹس جیتے ہیں۔ اس کا مطلب ہے کہ Viacom ۔18 ہر ایک میچ کے لیے BCCI کو 7.09 کروڑ روپے ادا کرے گا۔ اس سے قبل وائی کام 18 نے مردوں کے آئی پی ایل کے ڈیجیٹل حقوق بھی خریدے تھے۔ Viacom۔18 نے مردوں کے آئی پی ایل کے ڈیجیٹل حقوق 23,758 کروڑ روپے میں حاصل کیے ہیں۔
بی سی سی آئی نے اب خواتین کی آئی پی ایل ٹیموں کے انتخاب کی مشق کو بھی تیز کر دیا ہے۔ ویمنز آئی پی ایل کی پانچ ٹیموں کا اعلان 25 جنوری کو ہونا ہے۔ بورڈ نے اس کے لیے 10 شہروں کو شارٹ لسٹ کیا ہے۔ اس کے ساتھ ہی آئی پی ایل کی 10 میں سے آٹھ فرنچائزز نے ٹیم خریدنے میں دلچسپی ظاہر کی ہے۔ چنئی سپر کنگز اور ممبئی انڈینز سمیت کئی فرنچائزز بولی لگانے کے لیے تیار ہیں۔