کولکتہ میں آج آئی پی ایل کی نیلامی کے لیے میلہ لگے گا جس میں 292 کھلاڑیوں پر بولی لگائی جائیں گی۔ اس نیلامی کے لئے 1114 کھلاڑی رجسٹرڈ ہوئے ہیں۔ آٹھ فرنچائزی کے لیے شارٹ لسٹ کھلاڑیوں کی فہرست جمع کرنے کے بعد، 292 کھلاڑیوں کی خریدی کے لیے منتظمین میدان میں اتریں گے۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی کئی ایسے بڑے کھلاڑی ہیں جن پر فرنچائزی کی نظریں ہوں گی۔ آسٹریلیا کےکھلاڑی اسٹیون اسمتھ کو اس بار راجستھان رائلز نے ٹیم سے ریلیز کردیا تھا جبکہ پچھلے سیزن میں اسمتھ نے راجستھان کی طرف سے کپتانی کی تھی۔ ملان موجودہ ٹی۔20 رینکنگ میں پہلے نمبر پر موجود ہیں اور انہوں نے اپنی زبردست بلے بازی سے پورے کھیل جگت کی توجہ اپنی جانب مبذول کروائی ہے۔ گلین میکسویل کے لئے گزشتہ سیزن مایوس کن رہا تھا لیکن ٹیمیں اس آل راؤنڈر کی موجودگی کو بخوبی جانتی ہیں۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی کھلاڑیوں کی خریدی کے بارے میں توقع کی جارہی ہے کہ اس بار فرنچائزی کی نظریں نوجوان ٹیلنٹ پر بھی ہوں جس میں کیرالا کے اظہرالدین کا نام قابل ذکر ہے جنہوں نے مشتاق علی ٹرافی میں تیز رفتار سنچری بنائی تھی۔
کیرالا کے اظہرالدین پر لگ سکتی ہے بڑی بولی، جنہوں نے مشتاق علی ٹرافی میں تیز رفتار سنچری بنائی تھی آئی پی ایل نیلامی میں 292 کھلاڑیوں پر بولی لگائی جائیں گی۔ اس نیلامی کے لیے 1114 کھلاڑی رجسٹرڈ ہوئے تھے۔ آٹھ فرنچائزی کے شارٹ لسٹ کھلاڑیوں کی فہرست جمع کرنے کے بعد 292 کھلاڑیوں کی حتمی فہرست تیار کی گئی تھی جو نیلامی میں اتریں گے۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی بی سی سی آئی نے تمام آٹھ فرنچائزیز کو آگاہ کیا ہے کہ بنگلہ دیش کے کھلاڑی اس بار پورے آئی پی ایل سیزن کے لئے دستیاب نہیں ہوں گے جبکہ جنوبی افریقہ کے کھلاڑیوں کی دستیابی بھی مشکوک ہے۔ جنوبی افریقہ کے کچھ اہم کھلاڑیوں نے 9-10 اپریل سے شروع ہونے والے آئی پی ایل میں اپنی دستیابی کی تصدیق نہیں کی ہے۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی بی سی سی آئی نے واضح کیا ہے کہ اگر کسی بنگلہ دیشی کھلاڑی کو آئی پی ایل کے لیے منتخب کیا جاتا ہے تو وہ 19 مئی سے دستیاب نہیں ہوگا بلکہ وہ اپنے ملک میں سیریز کھیلنے کے لئے چلا جائے گا۔ دوسری جانب سری لنکا کے کھلاڑیوں کی دستیابی کی بھی تصدیق نہیں کی گئی ہے۔ بنگلہ دیش کے چار اور سری لنکا کے نو کھلاڑی نیلامی میں اتریں گے لیکن ان ممالک کے کوئی بھی کھلاڑی ری ٹین کئے گئے کھلاڑیوں کی فہرست میں شامل نہیں ہیں۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی بھارتی کرکٹ بورڈ نے تصدیق کی ہے کہ آسٹریلیائی کھلاڑی مکمل طور پر دستیاب ہیں اور آئی پی ایل کے لیے منتخب ہونے والے کھلاڑیوں کو یکم اپریل سے این او سی مل جائے گی۔ اس کے علاوہ انگلینڈ اور نیوزی لینڈ کے کھلاڑی بھی مکمل طور پر دستیاب ہیں، اگرچہ دونوں ممالک کے درمیان جون میں سیریز ہونی ہے۔ بھارتی بورڈ نے فرنچائزی ٹیموں کو یہ بھی بتادیا ہے کہ 6 کھلاڑی (تمام بھارتی) مشکوک ایکشن کے ہیں۔ ان میں سے ممبئی کے ارمان جعفر کی گیند بازی پر پابندی عائد کردی گئی ہے۔
گلین میکسویل،اسٹیو اسمتھ اور معین علی پر بڑی بولی لگنے کا ہے امکان اس نیلامی میں زیادہ سے زیادہ قیمت 2 کروڑ روپے رکھی گئی ہے جس میں دو بھارتی کھلاڑی ہربھجن سنگھ اور کیدار جادھو اور آٹھ غیر ملکی کھلاڑی گلن میکسویل، اسٹیو اسمتھ، شکیب الحسن، معین علی، سیم بِلنگز، لیام پلنکٹ، جیسن رائے اور مارک ووڈ شامل ہیں۔ ٹیموں کے لیے شکیب الحسن کو خریدنا مشکل ہوگا کیونکہ وہ 19 مئی کے بعد سے آئی پی ایل کے لیے دستیاب نہیں ہوں گے۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی نیلامی کے لیے 12 کھلاڑیوں کو 1.5 کروڑ کی بیس پرائز پر رکھا گیا ہے جبکہ 1 کروڑ کی بیس پرائز والے 11 کھلاڑیوں میں دو بھارتی کھلاڑی ہنوما وہاری اور اُمیش یادو شامل ہیں۔ اس کے علاوہ 75 لاکھ روپے کی بیس پرائز میں 15 کھلاڑی ہیں اور یہ سب غیر ملکی ہیں۔ 50 لاکھ روپے کی بیس پرائز میں 65 کھلاڑی موجود ہیں جس میں 13 بھارتی اور 52 غیر ملکی کھلاڑی شامل ہیں۔
کولکتہ میں آج آئی پی ایل کا لگے گا میلہ، 292 کھلاڑیوں پر لگے گی بولی واضح رہے کہ اس نیلامی میں 164 بھارتی ، 125 غیر ملکی اور تین کھلاڑی ایسوسی ایٹ ممالک کے ہوں گے۔ اس کے علاوہ ماسٹر بلاسٹر سچن تیندولکر کے بیٹے تیز گیند باز ارجن تیندولکر کو نیلامی کے لیے کھلاڑیوں کی شارٹ لسٹ میں رکھا گیا ہے اور یہ دیکھنا دلچسپ ہوگا کہ یہ نوجوان کھلاڑی کس ٹیم میں جاتا ہے۔
لیگ کی آٹھ ٹیموں میں سب سے زیادہ نقدی اختیار کنگز الیون پنجاب کے پاس ہے جس نے نیلامی سے قبل ہی اپنا نام تبدیل کرکے 'پنجاب کنگز' رکھ لیا ہے۔ پنجاب کے پاس 53 کروڑ 20 لاکھ روپے کا پَرس باقی ہے اور اسے پانچ غیر ملکی سمیت نو کھلاڑیوں کو خریدنا ہے۔
بھارتی کرکٹ ٹیم کے کپتان وراٹ کوہلی کی رائل چیلنجرز بنگلور کی ٹیم کے پاس 35 کروڑ 90 لاکھ روپے کا پرس ہے اور اسے سب سے زیادہ 13 کھلاڑیوں کو خریدنا ہے جن میں چار غیر ملکی شامل ہیں۔ بھارتی کرکٹ ٹیم کے سابق مہندر سنگھ دھونی کی ٹیم چننئی سُوپر کِنگز کے پاس 22 کروڑ 90 لاکھ روپے روپے کا پرس باقی ہے اور اسے ایک غیر ملکی سمیت سات کھلاڑیوں کو خریدنا ہے۔
اس کے علاوہ راجستھان رائلز کے پاس 34 کروڑ 85 لاکھ روپے کا پرس ہے اور اسے تین غیر ملکی سمیت 8 کھلاڑیوں کو خریدنا ہے۔ کولکاتہ نائٹ رائیڈرز اور سن رائزرس حیدرآباد کے پاس سب سے کم 10 کروڑ 75 لاکھ روپے ہے جس میں سے حیدرآباد کو تین اور کولکاتا کو آٹھ کھلاڑیوں کو خریدنا ہے۔ دہلی کیپٹلس کے پاس 12 کروڑ 90 لاکھ روپے کا پرس ہے اور اسے بھی چھ کھلاڑی خریدنے ہیں۔
