IPL 2023 لکھنؤنے حیدرآباد کو سات وکٹوں سے شکست دی

انڈین پریمیئر لیگ 2023 میں ہفتہ کے روز لکھنؤ سپر جائنٹس اور سن رائزرس حیدرآباد کے درمیان پہلا میچ کھیلا گیا۔ سن رائزرز حیدرآباد نے ٹاس جیت کر پہلے بلے بازی کا فیصلہ کیا۔ پہلے بلے بازی کرتے ہوئے سن رائزرس حیدرآباد نے 182 رنز بنائے۔ ہدف کا تعاقب کرتے ہوئے لکھنؤ نے حیدرآباد کو سات وکٹوں سے شکست دے دی۔ IPL 2023

حیدرآباد:انڈین پریمیئرلیگ 2023 کے 58ویں میچ میں لکھنؤ سپر جائنٹس اور سن رائزرس حیدرآباد کی ٹیمیں آمنے سامنے تھیں۔ سن رائزرز حیدرآباد نے ٹاس جیت کر پہلے بلے بازی کا فیصلہ کیا۔ پہلے بلے بازی کرتے ہوئے سن رائزرس حیدرآباد نے مقررہ 20 اوورز میں 6 وکٹوں کے نقصان پر 182 رنز بنائے اور جیت کے لیے لکھنؤ سپر جائٹنس کو 183 رنز کا ہدف دیا۔ ہدف کا تعاقب کرتے ہوئے لکھنؤ سپر جائنٹس کی ٹیم نے 3 وکٹوں کے نقصان پر حیدرآباد کو سات وکٹوں سے شکست دے دی۔

اس قبل حیدرآباد نے اس سیزن میں اب تک کھیلے گئے 10 میچوں میں سے 4 جیتے ہیں اور 6 ہارے ہیں۔ ٹیم 8 پوائنٹس کے ساتھ ٹیبل میں 9ویں نمبر پر ہے۔ ٹیم نے آخری میچ میں راجستھان رائلز کو سنسنی خیز مقابلے میں شکست دی تھی۔ راہل ترپاٹھی نے اس سیزن میں سن رائزرس حیدرآباد کے لیے سب سے زیادہ رنز بنائے ہیں۔ انہوں نے 10 میچوں میں 237 رنز بنائے ہیں۔ اس کے علاوہ ٹیم کی جانب سے بولنگ میں سب سے زیادہ وکٹیں میانک مارکنڈے نے حاصل کی ہیں۔ جس نے صرف 8 میچوں میں 11 وکٹیں حاصل کیں ہیں۔ اس کے علاوہ ہنری کلاسن بھی بہترین تال میں بیٹنگ کرتے نظر آ رہے ہیں۔

لکھنؤ نے اس سیزن میں اب تک 11 میچ کھیلے ہیں۔ جس میں اس نے 5 جیتے اور اتنے ہی میچوں میں اسے شکست ہوئی۔ ایک میچ بارش کے باعث بے نتیجہ رہا۔ ٹیم کو گزشتہ میچ میں گجرات کے ہاتھوں شکست کا منہ دیکھنا پڑا تھا۔

لکھنؤ سپر جائنٹس کی جانب سے کائل میئرز نے اس آئی پی ایل میں سب سے زیادہ رنز بنائے ہیں۔ انہوں نے صرف 11 میچوں میں 359 رنز بنائے ہیں۔ ساتھ ہی بولنگ میں روی بشنوئی نے سب سے زیادہ وکٹیں حاصل کی ہیں۔ بشوئی نے 11 میچوں میں 12 وکٹیں حاصل کی ہیں۔ ان دونوں کے علاوہ مارکس سٹوئنس اور نکولس پوران بھی فارم میں نظر آ رہے ہیں۔ اگر بات کی جائے تو لکھنؤ اور حیدرآباد کے درمیان اب تک کل دو میچ کھیلے جا چکے ہیں جن میں دونوں بار لکھنؤ نے کامیابی حاصل کی۔ ایسے میں وہ جیت کی ہیٹ ٹرک درج کرنا چاہیں گی۔