کرکٹ بورڈ کے فیصلے کے بعد بی سی بی اور شکیب الحسن کے درمیان سری لنکا کے خلاف ٹیسٹ سیریز کی بجائے ان کی آئی پی ایل کھیلنے کے سلسلے میں پیدا شدہ تنازع ختم ہونے کے آثار نظر آرہے ہیں۔
پہلے ایسا محسوس ہورہا تھا کہ بی سی بی شاید شکیب کو این او سی نہ دے۔ دراصل شکیب الحسن نے بی سی بی کے کرکٹ آپریشن چیئرمین اکرم خان پر الزام لگایا تھا۔
انہوں نے کہا تھا کہ سری لنکا کے خلاف ٹیسٹ سیریز میں کھیلنے کی بجائے آئی پی ایل میں کھیلنے کے ان کے فیصلے کو اکرم خان نے غلط طریقہ سے پیش کیا ہے۔
شکیب کے مطابق انہوں نے اپنے پیغام میں یہ نہیں کہا تھا کہ وہ ٹیسٹ میں نہیں کھیلنا چاہتے۔ اس کے بعد سے شکیب کی آئی پی ایل میں شرکت مشکوک نظر آرہی تھی۔
بی سی بی کے ڈائریکٹر اسماعیل حیدر نے تصدیق کی کہ شکیب کی این او سی میں کوئی تبدیلی نہیں ہوگی اور وہ آئی پی ایل میں حصہ لے سکتے ہیں۔
اطلاعات کے مطابق شکیب کولکاتہ نائٹ رائیڈرز (کے کے آر) ٹیم میں شامل ہونے کے لیے 28 مارچ کو بنگلہ دیش سے بھارت کے لیے روانہ ہوں گے اور پریکٹس کے لیے دستیاب ہونے سے پہلے سات دن کوارنٹین رہیں گے۔
