IPL 2023 سینئر کھلاڑی آئی پی ایل میں کر رہے ہیں بہتر کارکردگی کا مظاہرہ

اجنکیا رہانے کو چنئی سپر کنگز نے 50 لاکھ روپے میں بیس پرائس پر خریدا تھا۔ اس سیزن میں رہانے کی شاندار کارکردگی رہی ہے اور وہ چھ اننگز میں 224 رنز بنا چکے ہیں۔ Ajinkya Rahane performance in IPL 2023

ممبئی: انڈین پریمیئر لیگ کے موجودہ سیزن میں بیس پرائس پر خریدے گئے اجنکیا رہانے (سی ایس کے)، موہت شرما (گجرات ٹائٹنز)، پیوش چاولہ (ممبئی انڈینز) اور مینک مارکنڈے (ایس آر ایچ) نے اپنی کارکردگی سے نہ صرف یہ کہ ناقدین کو خاموش کر دیا ہے بلکہ یہ بھی ثابت کر دیا ہے کہ بڑھتی عمر کے باوجود ان میں کافی کرکٹ باقی ہے۔ سبھی کو ٹاٹا آئی پی ایل 2023 کی نیلامی میں ان کی بنیادی قیمت پر خریدا گیا تھا۔ ان کھلاڑیوں کو سیزن کے آغاز سے پہلے کسی نے موقع نہیں دیا لیکن انہوں نے اپنی کارکردگی سے اپنے ناقدین کو خاموش کر دیا۔ موہت شرما نے تین میچوں میں چار وکٹ حاصل کئے ہیں اور پہلے ہی دو مواقع پر گجرات کے لیے دو پلیئر آف دی میچ ایوارڈز کے ساتھ واپس آ چکے ہیں۔ ڈیتھ اوورز میں، وہ کپتان ہاردک پانڈیا کے لیے ایک پسندیدہ گیند باز رہے ہیں۔

اجنکیا رہانے کو چنئی سپر کنگز نے 50 لاکھ روپے کی بنیادی قیمت پر خریدا تھا لیکن انہوں نے ٹاٹا آئی پی ایل میں اپنی شاندار پرفارمنس سے سب کی توجہ اپنی جانب مبذول کر لی ہے۔ وہ اب تک پانچ اننگز میں 52.25 کی اوسط اور 199.1 کے اسٹرائیک ریٹ سے 209 رنز بنا چکے ہیں۔ ہندوستانی خاتون ٹیم کی سابق رکن میتھالی راج نے اسٹار اسپورٹس کرکٹ لائیو پر کہا “رہانے نے پھر سے اپنے کھیل میں تبدیلی کی ہے۔ وہ ٹی ٹوئنٹی فارمیٹ میں فٹ ہونا چاہتے تھے اس لیے اپنا کھیل میں تبدیلی کرلی۔ اس کے شاٹس میں کوئی تبدیلی نہیں آئی ہے، لیکن اس کے انداز میں کافی تبدیلی آئی ہے۔ یہ رہانے بالکل نئے لگ رہے ہیں۔ اسی طرح سینئر اسپنر پیوش چاولہ نے چھ میچوں میں نو وکٹ حاصل کیے ہیں جو وہ پانچ بار کی چیمپئن ممبئی انڈینز کے لیے کھیل چکے ہیں۔ چاولہ نے اپنے پہلے چھ میچوں میں 6.9 کی اکانومی سے گیند کی۔

سابق ہندوستانی کھلاڑی ہربھجن سنگھ کا خیال ہے کہ امپیکٹ سبسٹی ٹیوٹ ضابطہ پیوش چاولہ اور امت مشرا جیسے تجربہ کار کرکٹرز کو اپنے ہر کھیل میں اہم تاثر چھوڑنے کی اجازت دیتا ہے کیونکہ وہ دونوں تجربہ کار مہم چلانے والے اور ٹیم کا اثاثہ ہیں۔ اسٹار اسپورٹس کے کرکٹ لائیو پر بات کرتے ہوئے، ہربھجن سنگھ نے کہا ’’چاولہ اور مشرا جانتے ہیں کہ ان کے پاس گیند بازی کرنے کے لیے صرف تین سے چار اوور ہیں اور اس دوران وہ اپنی بہترین کارکردگی کا مظاہرہ کر سکتے ہیں۔ دونوں کے پاس کلاس اور تجربہ ہے۔‘‘ مینک مارکنڈے نے ایس آر ایچ کے لیے پانچ میچوں میں 6.7 کے اکانومی ریٹ سے آٹھ وکٹ حاصل کئے جبکہ ان کیپڈ کے کے آر کے اسپنر سویش شرما نے نائٹ رائیڈرز کے لیے پانچ میچوں میں سات وکٹ حاصل کیے۔ سویش کو کے کے آر نے 20 لاکھ روپے کی بنیادی قیمت پر خریدا۔

یو این آئی