IPL 2023 گجرات ٹائٹنز نے راجستھان رائلز کو نو وکٹوں سے شکست دی

آئی پی ایل کے 48ویں میچ میں راجستھان رائلز کا مقابلہ گجرات ٹائٹنز سے ہے۔ دونوں ٹیموں کے درمیان یہ میچ جے پور کے سوائی مان سنگھ اسٹیڈیم میں کھیلا گیا۔ پہلے بلے بازی کرتے ہوئے راجستھان رائلز نے گجرات ٹائٹنز کو جیت کے لیے 119 رنز کا ہدف دیا، جسے گجرات نے 13.5 اوورز میں 119 رنز بنالیے اور راجستھان کو 9 وکٹوں سے شکست دی۔ IPL 2023

جے پور:آئی پی ایل کے 48ویں میچ میں راجستھان رائلز اور گجرات ٹائٹنز کے درمیان کھیلا گیا۔ راجستھان رائلز نے ٹاس جیت کر پہلے بلے بازی کا فیصلہ کیا ہے۔ پہلے بلے بازی کرتے ہوئے راجستھان رائلز کی پوری ٹیم 17.5 اوورز میں 118 رنز پر آوٹ ہوگئی اور گجرات ٹائٹنز کو جیت کے لیے 119 رنز کا ہدف دیا۔ ہدف کا تعاقب کرتے ہوئے گجرات ٹائٹنز نے ایک وکٹ کے نقصان پر 13.5 اوورز میں 119 رنز بنالیے اور راجستھان کو 9 وکٹوں سے شکست دے دی۔ گجرات کی جانب سے راشد خان نے تین اور نور احمد نے 2 وکٹیں حاصل کی۔

اس قبل دونوں ٹیموں نے گزشتہ دو آئی پی ایل سیزن میں غیر معمولی کارکردگی کا مظاہرہ کیا ہے۔ دونوں ٹیموں میں پر جوش اور تجربہ کار کپتان ہیں جو اپنے کھلاڑیوں پر بھروسہ کرتے ہیں اور دباؤ میں بھی بہتریں کارکردگی کا مظاہرہ کرتے ہیں۔ راجستھان رائلز اور گجرات ٹائٹنز کے درمیان ہونے والے اس میچ میں جیتنے والی ٹیم کو پوائنٹس ٹیبل میں اپنی رینکنگ مضبوط کرنے کا موقع ملے گا۔

گجرات ٹائٹنز اب تک کھیلے گئے 9 میں سے 6 میچ جیت کر 12 پوائنٹس کے ساتھ سرفہرست ہے، جب کہ راجستھان رائلز 9 میچوں میں 5 جیت سے 10 پوائنٹس کے ساتھ چوتھے نمبر پر ہے۔ راجستھان رائلز کے پاس گھریلو ہجوم میں گجرات ٹائٹنز پر فتح حاصل کر کے دوبارہ نمبر ون رینکنگ حاصل کرنے کا موقع ہے، جب کہ گجرات ٹائٹنز جیت کے بعد پوائنٹس ٹیبل میں اپنی نمبر 1 پوزیشن کو مزید مضبوط کر لے گی۔

اس بار آئی پی ایل میں شاندار شروعات کرنے والی راجستھان رائلز کی ٹیم کو گزشتہ پانچ میچوں میں تین میچوں میں شکست کا سامنا کرنا پڑا ہے۔ ایک اور شکست ٹیم کو پلے آف سے باہر ہونے والی ٹیموں کے گروپ میں لے جا سکتی ہے۔ دوسری جانب گجرات ٹائٹنز کو گزشتہ 5 میچوں میں صرف 2 میچوں میں شکست ہوئی ہے جس کی وجہ سے گجرات ٹائٹنز کی کارکردگی راجستھان رائلز سے بہتر کہی جا سکتی ہے۔

راجستھان رائلز میں، یاشاسوی جیسوال نے اکیلے ہی کئی مواقع پر ٹیم کو زبردست برتری دلانے میں مدد کی ہے۔ گزشتہ میچ میں انہوں نے اپنی اننگز سے یک طرفہ فتح دلائی تھی۔ جوش لٹل اپنے پہلے آئی پی ایل سیزن میں ایک شاندار کھلاڑی کے طور پر ابھر رہے ہیں، بنیادی طور پر پاور پلے اور ڈیتھ اوورز میں بولنگ کرتے ہیں۔ 7 میچوں میں 8.5 کے اکانومی ریٹ سے پانچ وکٹیں بھی حاصل کی ہیں۔

اگر دونوں ٹیموں کو دیکھا جائے تو راجستھان رائلز اس آئی پی ایل میں پاور پلے میں سب سے تیز رنز بنانے والے کھلاڑی بن کر ابھرے ہیں۔ اس نے اب تک 9.6 کے رن ریٹ سے رنز بنائے ہیں، جب کہ گجرات ٹائٹنز کے پاس اس سال کے آئی پی ایل کے پاور پلے میں سب سے زیادہ کفایتی بولرز ہیں، جنہوں نے 7.3 کے رن ریٹ سے گیند بازی کی۔