ریڈ بُل انڈیا کے تعاون سے سوائی مان سنگھ اسٹیڈیم میں منعقد شاندار پروگرام کے دوران راجستھا رائلز ٹیم کی اس نئے سیزن کے لیے نئی جرسی لانچ کی گئی۔
سوائی مان سنگھ اسٹیڈیم میں ہونے والی تقریب راجستھان رائلز کے کھلاڑیوں کے ساتھ ساتھ شائقین کے لیے بھی یادگار رہی۔ تھری ڈی پروجیکشن اور گرانڈ لائٹ شو نے سب کے دلوں کو مسحور کردیا۔
اس دوران ایک آڈیو ویژول نمائش کو اسٹیڈیم سے پوری دنیا کے شائقین اور ممبئی کے بایو ببل میں موجود راجستھان رائلز ٹیم کے کھلاڑیوں کے درمیان براہ راست نشر کیا گیا۔
سوائی مان سنگھ اسٹیڈیم میں تقریب کا آغاز پچ سے لے کر تمام اسٹینڈس تک حیرت انگیز اور پرکشش لائٹ شو سے ہوا۔ اس کے بعد براہ راست شو کے لیے خصوصی طور پر سیٹ اپ اسکرین پر روشنی بکھری گئی جس میں ریڈ بُل گاڑیوں اور پروگرامز کے ہائی اسپیڈ ایکشن شاٹس کے ساتھ اسٹیڈیم، شہر اور راجستھان کے پس منظر کی ایک ویڈیو دکھائی گئی۔