Jasprit Bumrah IPL Debut آج ہی کے دن بمراہ نے اپنا آئی پی ایل ڈیبو کیا تھا اور وراٹ کو اپنا پہلا شکار بنایا تھا

ممبئی انڈینز کے سرکردہ تیز گیند باز جسپریت بمراہ نے آج ہی کے دن 2013 میں رائل چیلنجرز بنگلور کے خلاف اپنا ڈیبیو کیا تھا۔ بمراہ نے اپنے پہلے ہی اوور میں آر سی بی کے اسٹار بلے باز وراٹ کوہلی کو آؤٹ کرکے پہلے میچ سے ہی اپنی الگ شناخت بنانے میں کامیاب رہے تھے۔ Jasprit Bumrah IPL Debut

نئی دہلی: ممبئی انڈینز کے تیز گیند باز جسپریت بمراہ نے سنہ 2013 میں آج ہی کے دن آئی پی ایل میں ڈیبیو کیا تھا۔ سال 2013 میں ممبئی انڈینز کے لیے کھیلتے ہوئے بمراہ نے اپنا پہلا میچ رائل چیلنجرز بنگلور کے خلاف کھیلا۔ بمراہ نے اپنے پہلے ہی میچ سے ہی اپنی پہچان بنانے میں کامیاب ہوئے تھے اور ممبئی انڈینز کے لیے سب سے زیادہ 3 وکٹیں حاصل کیں۔ اگرچہ یہ دلچسپ میچ آر سی بی نے 2 رنز سے جیتا تھا، لیکن بمراہ نے آئی پی ایل کے اپنے پہلے ہی میچ میں شاندار بولنگ کرکے سب کی توجہ اپنی جانب مبذول کرنے میں کامیاب رہے تھے۔

آر سی بی کی اننگز کے 5ویں اوور میں ممبئی انڈینز کے کپتان روہت شرما نے ڈیبیو کرنے والے بمراہ کو گیند سونپی۔ آر سی بی کے بلے باز وراٹ کوہلی پچ پر تھے۔ بمراہ کی پہلی اور دوسری گیند پر وراٹ نے لگاتار دو چوکے لگائے۔ تیسری گیند پر بمراہ نے ڈاٹ پھینکا۔ چوتھی گیند پر وراٹ نے ایک اور چوکا لگایا لیکن پانچویں گیند پر بمراہ نے وراٹ کوہلی کو شاندار ان سوئنگ کرنے پر ایل بی ڈبلیو آؤٹ کر دیا۔ آر سی بی کے ہوم گراؤنڈ چناسوامی اسٹیڈیم میں تماشائیوں کا شور بالکل خاموشی میں بدل گیا جب نوجوان بولر بمراہ نے آر سی بی کے کپتان کو آؤٹ کرکے پویلین کا راستہ دکھایا۔ اپنے پہلے میچ میں بمراہ نے 4 اوورز میں 32 رن دے کر 3 وکٹیں حاصل کیں۔ ایک اور دلچسپ بات یہ ہے کہ آئی پی ایل میں بمراہ کی پہلی وکٹ وراٹ کوہلی کی تھی، جب کہ انہوں نے وراٹ کوہلی کو بھی آئی پی ایل کی 100ویں وکٹ کے طور پر آؤٹ کیا۔

ممبئی انڈینز سب سے زیادہ بار آئی پی ایل چیمپئن بنی ہے اور اس دوران بمراہ نے ممبئی کی تیز گیند بازی کی کمان سنبھالی۔ بمراہ ممبئی انڈینز کے اہم تیز گیند باز ہونے کے ساتھ ساتھ ایک میچ ونر کھلاڑی بھی ہیں اور انہوں نے کئی نازک مواقع پر شاندار بولنگ کرکے اپنی ٹیم کو فاتح بنایا ہے۔ بمراہ نے اب تک 120 آئی پی ایل میچوں میں 23.30 کی اوسط سے 145 وکٹیں حاصل کی ہیں۔ بمراہ کا اکانومی ریٹ بھی 7.39 ہے جو کہ T20 کے حساب سے بہترین ہے۔ آئی پی ایل 2022 میں ممبئی انڈینز کی کارکردگی سب سے خراب رہی، لیکن بمراہ نے اس سیزن میں بھی اپنی ٹیم کے لیے شاندار بولنگ کی۔

جسپریت بمراہ کی حال ہی میں کمر کی سرجری ہوئی ہے، اس لیے وہ آئی پی ایل کے 16ویں سیزن میں نہیں کھیل رہے ہیں۔ ممبئی انڈینز کو واضح طور پر اس سیزن میں بمراہ کی کمی محسوس ہوگی۔ ممبئی نے بمراہ کی جگہ تمل ناڈو کے لیے ڈومیسٹک میچ کھیلنے والے دائیں ہاتھ کے تیز گیند باز سندیپ واریئر کو شامل کیا ہے۔ واریئر نے سنہ 2021 میں ٹیم انڈیا کے لیے ڈیبیو کیا تھا، حالانکہ انھوں نے ٹیم انڈیا کے لیے صرف ایک میچ کھیلا ہے، لیکن یہ واضح ہے کہ ممبئی انڈینز کے لیے کوئی بھی گیند باز آئی پی ایل 2023 میں بمراہ کی غیر موجودگی کو پورا نہیں کر پائے گا۔