IPL 2023 حیدرآباد کے خلاف ممبئی نے ٹاس جیت کر گیند بازی کا فیصلہ کیا

آئی پی ایل 2023 کے 69ویں میچ میں ممبئی انڈینس نے ٹاس جیت کر پہلے گیند بازی کرنے کا فیصلہ کیا۔ ممبئی کے لیے یہ میچ کرو یا مرو کی نوعیت کا ہے۔ Mumbai Indians vs Sunrisers Hyderabad

ممبئی: آئی پی ایل 2023 کا 69واں میچ وانکھیڈے اسٹیڈیم میں ممبئی انڈینس اور سن رائزرس حیدرآباد کے درمیان کھیلا جا رہا ہے۔ ممبئی انڈینس نے ٹاس جیت کر پہلے گیند بازی کا فیصلہ کیا ہے۔ پانچ بار کی چمپئن ممبئی انڈینس وانکھیڈے اسٹیڈیم میں سن رائزرس حیدرآباد کے خلاف ایک بڑی جیت حاصل کر پلے آف میں جگہ بنانے کے لیے میدان میں اترے گی۔ تاہم اگر وہ ہار جاتے ہیں تو یہ موجودہ آئی پی ایل سیزن میں ممبئی کا آخری میچ بھی ہو سکتا ہے۔ دونوں ٹیمیں اب تک 20 مرتبہ آمنے سامنے آ چکی ہیں۔ اس میں سے 11 میچ ممبئی اور 9 میچ حیدرآباد نے جیتے ہیں۔ دونوں ٹیمیں ممبئی کے وانکھیڑے میں چھ بار آمنے سامنے آ چکی ہیں۔ ممبئی نے چار میں اور حیدرآباد نے دو میچ میں فتح حاصل کی۔ آئی پی ایل 2023 کے پوائنٹس کی تعداد میں ممبئی انڈینز کے فی الحال 14 پوائنٹس ہیں۔

ایسی صورت حال میں اگر وہ سن رائزرس حیدرآباد کو شکست دیتے ہیں تو ان کے کل پوائنٹس 16 ہو جائیں گے۔ تاہم پلے آف میں جانے کا راستہ تب ہی واضح ہوگا جب رائل چیلنجرز بنگلور اپنی فتح کے بعد گجرات ٹائٹنز کے خلاف میچ ہار جائے گی۔ اگر ممبئی یہ میچ ہار جاتا ہے تو وہ پلے آف کی دوڑ سے باہر ہو جائے گا، کیونکہ اس کا نیٹ رن ریٹ بہت کم ہے۔ اس کے ساتھ ہی حیدرآباد کی ٹیم آخری چار کی دوڑ سے باہر ہوگئی ہے۔ ممبئی انڈینز کے شائقین آج روہت شرما، سوریہ کمار یادو اور کیمرون گرین کی کارکردگی پر نظر رکھیں گے۔ یہ تینوں کھلاڑی اکیلے اپنی ٹیم کو فتح دلا سکتے ہیں۔ دوسری جانب سن رائزرس حیدرآباد کے ہینرک کلاسن شاندار فارم میں ہیں اور وہ ممبئی کے لیے مسئلہ بن سکتے ہیں۔