نئی دہلی: آئی پی ایل 2023 کا آغاز بہت جلد ہونے والا ہے۔ آغاز سے قبل تمام ٹیموں نے اپنی تیاریاں شروع کر دی ہیں۔ چنئی سپر کنگز کے کپتان مہندر سنگھ دھونی بھی آئی پی ایل کی تیاری میں مصروف ہیں جہاں وہ نیٹ پر سخت محنت کر رہے ہیں۔ دھونی چنئی کو آئی پی ایل کا خطاب دلوانے کےلیے پوری کوشش کر رہے ہیں۔ چنئی سپر کنگز نے اپنے ٹوئٹر ہینڈل سے ایک ویڈیو شیئر کیا ہے، جس میں دیکھا جا سکتا ہے کہ سی ایس کے، کے کپتان دھونی کس طرح میدان پر زبردست فارم میں نظر آرہے ہیں۔
سی ایس کے کا یہ ویڈیو انٹرنیٹ پر کافی وائرل ہو رہا ہے۔ جس میں دھونی میدان میں جارحانہ بیٹنگ کررہے ہیں۔ مانا جارہا ہے کہ سی ایس کے اس بار سی آئی پی ایل 2023 کا خطاب جیتنے کے ارادے سے میدان میں اترے گی۔ ساتھ ہی دھونی نے بھی آئی پی ایل کے لیے خود کو پوری طرح سے تیار کرنا شروع کر دیا ہے۔