IPL 2023 آئی پی ایل کا 45واں میچ بغیر نتائج کے ختم

آئی پی ایل 2023 کے 45 ویں میچ میں لکھنؤ سپر جائنٹس اور چنئی سپرکنگز آمنے سامنے ہیں۔ چنئی نے ٹاس جیت کر پہلے گیند بازی کا فیصلہ کیا ہے۔ تاہم مسلسل بارش کی وجہ سے میچ بغیر نتائج کے ختم ہوا۔ IPL 2023

لکھنؤ: مسلسل بارش کی وجہ سے آئی پی ایل 2023 کا 45ویں میچ بغیر نتائج کے ختم ہوا۔ اس قبل چنئی سپرکنگز نے ٹاس جیت کر پہلے گیند بازی کا فیصلہ کیا تھا۔ ایک طرف ہوم گراؤنڈ میں لگاتار تین شکستیں اور دوسری طرف کپتان کے ایل راہل کی چوٹ کی وجہ سے لکھنؤ سپر جائنٹس کے لیے چنئی سپرکنگز کا چیلنج پر قابو پانا آسان نہیں ہوگا۔ یہ میچ چار بار کی فاتح چنئی سپر کنگز کے لیے بھی بہت اہم ہو گا، کیونکہ ٹیم کو گزشتہ دو میچوں میں راجستھان اور پنجاب کے خلاف شکست کا منہ سامنا کرنا پڑا ہے۔ مجموعی طور پر اٹل ایکنا اسٹیڈیم میں آج میچ دونوں ٹیموں کے لیے اہم ہوگا۔ چنئی نے ٹاس جیت کر پہلے گیند بازی کا فیصلہ کیا ہے۔ وہیں لکھنؤ کو میچ سے قبل دھچکا لگا ہے۔ لکھنؤ کے کپتان کے ایل راہل باہر ہوگئے ہیں۔

آئی پی ایل-16 میں دھوم مچانے کے بعد لکھنؤ کی کارکردگی میں تیزی سے کمی آئی ہے۔ اپنے ہوم گراؤنڈ پر لگاتار تین شکستوں نے میزبان ٹیم کا اعتماد تقریباً توڑ دیا ہے۔ ٹیم اپنے گھر پر اپنے آخری تین میچ رائل چیلنجرز بنگلور سے 18 رنز سے، گجرات ٹائٹنز شکست اور پنجاب کنگز سے دو وکٹوں سے ہاری تھی۔ غیر ملکی کھلاڑیوں نے اب تک اپنی پرفارمنس سے ٹیم کو بچایا ہے، جن میں کائل میئرز (نو میچوں میں 297 رنز)، اسٹوئنس (نو میچوں میں 229 رنز اور پانچ وکٹیں)، وکٹ کیپر بلے باز نکولس پورن (نو میچوں میں 225 رنز)۔ فاسٹ بولر نوین الحق (چار میچوں میں سات وکٹیں) شامل تھے۔

کپتان راہل نے بھلے ہی رنز بنائے ہوں، لیکن ان کی سست بلے بازی سوالوں کی زد میں ہے۔ اس کے علاوہ صرف نوجوان لیگ اسپنر روی بشنوئی (9 میچوں میں 13 وکٹیں) متاثر کرنے میں کامیاب رہے ہیں۔ ایک بار ٹیم میں اسٹار کھلاڑی کا خطاب پانے والے دیپک ہڈا کا فلاپ شو جاری ہے، جنہوں نے اب تک کھیلے گئے تمام نو میچوں میں مجموعی طور پر 53 رنز بنائے ہیں۔ ایسے میں ان کی پلیئنگ الیون میں شمولیت سمجھ سے بالاتر ہے۔ اب راہل بھی زخمی ہو کر آئی پی ایل سے باہر ہیں۔ ایسے میں ٹیم کی بیٹنگ لائن چرما جائے گی۔

آخری دو میچوں میں شکست کے بعد مہندر سنگھ دھونی اینڈ کمپنی کسی بھی حال میں لگاتار تیسری شکست کے لیے تیار نہیں ہوں گے۔ ایسے میں ٹیم لکھنؤ کے خلاف جیتنے کی ہر ممکن کوشش کرے گی۔ بلے سے ٹیم کی نظریں کونوے پر ہوں گی جنہوں نے 10 میچوں میں 430 رنز بنائے ہیں۔ اس کے علاوہ 10 میچوں میں 356 رنز بنانے والے رتوراج گائیکواڑ بھی اچھی کارکردگی کا مظاہرہ کر رہے ہیں۔