موہالی:موہالی کے سوائی مان سنگھ اسٹیڈیم میں کھیلے گئے آئی پی ایل 2023 کے 27ویں میچ میں رائل چیلنجرز بنگلور نے پنجاب کنگز کو 24 رنز سے شکست دے دی۔ اس سیزن میں بنگلور کی یہ تیسری جیت ہے۔ بنگلور نے پہلے کھیلتے ہوئے پنجاب کو 175 رنز کا ہدف دیا تھا۔ ہدف کا تعاقب کرتے ہوئے پنجاب کی پوری ٹیم 18.2 اوورز میں 150 رنز پر آوٹ ہوگئی اور اس طرح بنگلور نے پنجاب کو 24 رنوں سے شکست دے دی۔ بنگلور کی جانب سے گیند بازی کرتے ہوئے فاسٹ بولر محمد سراج نے چار وکٹیں حاصل کیں۔ محمد سراج نے بنگلور کے 175 رنز کے ہدف کا دفاع کرتے ہوئے بہترین گیند بازی کا مظاہرہ کیا۔
پنجاب کے ہوم گراؤنڈ پر کھیلے گئے اس میچ میں آر سی بی نے پنجاب کو 24 رنز سے شکست دی ہے۔ پنجاب کنگز نے ٹاس جیت کر پہلے گیند بازی کا فیصلہ کیا۔ پہلے بیٹنگ کرتے ہوئے آر سی بی نے پنجاب کنگز کو 174 رنز کا ہدف دیا۔ ہدف کے تعاقب میں پنجاب کی ٹیم 150 رنز پر آل آؤٹ ہو گئی۔
وراٹ کوہلی اور فاف ڈوپلیسی کی اوپننگ جوڑی آر سی بی کے لیے اوپننگ کرنے آئی۔ ان دونوں کی شاندار شراکت کی وجہ سے آر سی بی کی شروعات شاندار رہی۔ جہاں ایک طرف ڈوپلیسی نے 56 گیندوں میں 84 رنز بنائے تو دوسری طرف وراٹ کوہلی نے 47 گیندوں میں 59 رنز بنائے، لیکن ان دو وکٹوں کے نقصان کے بعد ایسا لگ رہا تھا کہ جیسے آر سی بی کی بیٹنگ لائن پوری طرح سے گر گئی ہے۔ میکسویل صفر پر آؤٹ ہوئے تو دنیش کارتک صرف 7 رنز بنا کر آؤٹ ہوئے۔ مہیپال لومرنوٹ اور شہباز احمد بھی 10 رنز کا ہندسہ عبور نہ کر سکے۔