IPL 2022: چنئی کی مسلسل چوتھی شکست، حیدرآباد نے پہلی جیت درج کی

سن رائزرس حیدرآباد نے آئی پی ایل کے 17ویں میچ میں چنئی سپر کنگز کو شکست دے کر اپنا کھاتہ کھول لیا۔ اس کے ساتھ ہی چنئی کو مسلسل چوتھی شکست کا سامنا کرنا پڑا۔ سی ایس کے نے پہلے بلے بازی کرتے ہوئے 155 رنز کا ہدف دیا تھا جسے حیدرآباد نے 17.4 اوور میں 2 وکٹوں کے نقصان پر آسانی سے حاصل کر لیا۔ Sunrisers Hyderabad Won by 8 Wickets

ابھیشیک شرما کی ناٹ آوٹ 75 رنز کی بہترین اننگ کی دولت سن رائزرس حیدرآباد نے ہفتہ کو دفاعی چیمپئن چنئی سپر کنگز کو آٹھ وکٹوں سے شکست دے کر آئی پی ایل میں مسلسل چوتھی شکست کے لئے مجبورکردیا اوراپنی پہلی جیت درج کی۔ چنئی نے اس میچ میں 20 اوور میں سات وکٹ پر 154 کا چیلنجنگ اسکور بنایا لیکن یہ حیدرآباد کو روکنے کے لیے کافی نہیں تھا۔ حیدرآباد نے 17.4 اوور میں دو وکٹ پر 155 رن بنا کر ٹورنامنٹ میں تین میچوں میں اپنے پہلے دو پوائنٹس حاصل کیے۔ چنئی کو اس شکست کے ساتھ مسلسل چوتھی شکست کا سامنا کرنا پڑا اور وہ ٹیبل میں نویں نمبر پر ہے۔ Sunrisers Hyderabad Won by 8 Wickets

حیدرآباد نے ٹاس جیت کر پہلے فیلڈنگ کا درست فیصلہ کیا۔ چنئی نے 25 رنز کے اچھے آغاز کے بعد وقفے وقفے سے اپنے وکٹ گنوائے ۔ معین علی نے 35 گیندوں پر تین چوکوں اور دو چھکوں کی مدد سے 48 رنز کی سب سے بڑی اننگ کھیلی۔ امباتی رائیڈو نے 27 گیندوں میں 27، کپتان رویندرا جڈیجہ نے 15 گیندوں میں 23 ، رتوراج گائیکواڑ نے 13 گیندوں میں 16 اور رابن اتھپا نے 11 گیندوں میں 15 رنز بنائے۔ مہندر سنگھ دھونی چھ گیندوں پر تین رن بناکر آوٹ ہوئے۔ حیدرآباد کی جانب سے واشنگٹن سندر اور ٹی نٹراجن نے دو دو وکٹیں حاصل کیں۔

ہدف کے تعاقب میں حیدرآباد نے 89 رنز کا ٹھوس آغاز کیا۔ کپتان کین ولیمسن 40 گیندوں پر 32 رنز بنا کر آؤٹ ہوئے۔ جب ابھیشیک دوسرے بلے باز کے طور پر آؤٹ ہوئے تو حیدرآباد کا اسکور 145 تک پہنچ چکا تھا اور وہ جیت کے قریب تھا۔ ابھیشیک نے 50 گیندوں پر 75 رنز کی میچ جیتنے والی اننگ میں پانچ چوکے اور تین چھکے لگائے۔ راہل ترپاٹھی 15 گیندوں پر پانچ چوکوں اور دو چھکوں کی مدد سے 39 رنز بنا کر ناٹ آؤٹ رہے۔ نکولس پورن پانچ رن پرناٹ آؤٹ رہے۔