20:37 February 18
آئی پی ایل 2021 کے اب تک کے ٹاپ 5 مہنگے کھلاڑی
آئی پی ایل 2021 کی نیلامی میں ابھی تک فروخت ہونے والے کھلاڑیوں میں کرس مورس سب سے مہنگے کھلاڑی ثابت ہوئے۔ مورس کو راجستھان رائلز نے 16 کروڑ 25 لاکھ روپے میں خریدا۔
اس کے علاوہ رائل چیلینجرز نے کائل جیمیسن کو 15 کروڑ اور گلین میکسویل کو 14 کروڑ 25 لاکھ روپے میں اپنے اسکواڈ میں شامل کیا۔ جبکہ جے رچرڈسن کو پنجاب کنگز نے 14 کروڑ روپے اور کرشنپا گوتم کو چنئی سُپر کنگز نے 9 کروڑ 25 لاکھ روپے میں ٹیم میں شامل کیا۔
20:17 February 18
ارجن تیندولکر بنے ممبئی انڈیئنز کا حصہ
سابق کرکٹر سچن تیندولکر کے بیٹے ارجن تیندولکر کو ممبئی انڈیئنز نے 20 لاکھ روپے کے بیس پرائز میں خریدا۔
ارجن کا نام نیلامی میں سب سے آخر میں آیا لیکن ممبئی کے علاوہ کسی بھی ٹیم نے انہیں خریدنے میں دلچسپی نہیں دکھائی۔
20:14 February 18
ڈینیل کرسٹن کو ملی بڑی قیمت
آسٹریلیا کے تیز گیند باز ڈینیل کرسٹن کو رائل چیلینجرز بنگلور نے 4 کروڑ 80 لاکھ روپے میں خریدا۔
20:07 February 18
مجیب الرحمن سن رائزرس میں شامل
افغانستان کے سرکردہ اسپنر مجیب الرحمن کو سن رائزرس حیدرآباد نے ڈیڑھ کروڑ میں خریدا۔
20:03 February 18
جمی نیشام ممبئی پلٹن کا حصہ
ممبئی انڈیئنز نے نیوزی لینڈ کے کھلاڑی جمی نیشام کو 50 لاکھ روپے کے بیس پرائز پر ٹیم میں شامل کیا۔
18:55 February 18
موسیس ہینرکس بنے پنجاب کنگز کا حصہ
آسٹریلیا کے آل راؤنڈر موئسیس ہینرکس کو خریدنے کے لیے رائل چیلینجرز بنگلور اور پنجاب کنگز کے مابین مقابلہ ہوا جس میں پنجاب نے بازی ماری اور 4 کروڑ 20 لاکھ روپے میں انہیں اپنے اسکواڈ میں شامل کیا۔
ہینرکس کا بیس پرائز ایک کروڑ روپے تھا۔
18:21 February 18
بین کٹنگ کے کے آر فیملی میں شریک
آسٹریلیائی کھلاڑی بین کٹنگ کو کولکاتا نائٹ رائیڈرز نے 75 لاکھ روپے میں خریدا۔
18:16 February 18
ٹام کرین کی چمکی قسمت، ملی بڑی قیمت
انگلینڈ کے ٹام کرین کو دہلی کیپیٹلز نے 5 کروڑ روپے میں خریدا۔ ان کا بیس پرائز 75 لاکھ روپے تھا۔
18:12 February 18
کائل جیمیسن کو ملی بڑی رقم
نیوزی لینڈ کے آل راؤنڈر کائل جیمیسن کو رائل چیلینجرز بنگلور نے 15 کروڑ روپے کی خطیر رقم میں خریدا۔ ان کا بیس پرائز 75 لاکھ روپے تھا۔
18:07 February 18
چیتیشور پجارا کی آئی پی ایل میں انٹری
بھارت کرکٹ ٹیم کے بھروسے مند بلے باز چیتیشور پجارا نے اس مرتبہ آئی پی ایل میں کھیلنے کی خواہش کا اظہار کرتے ہوئے اپنا نام رجسٹرڈ کروایا تھا اور انہیں چنئی سُپر کنگز نے 50 لاکھ روپے کے بیس پرائز پر ہی ٹیم میں شامل کیا۔
18:00 February 18
شان مارش اور کوری اینڈرسن، نہیں ملا خریدار
آئی پی ایل کے پہلے سیزن میں سب سے زیادہ رنز بنا کر آرینج کیپ حاصل کرنے والے شان مارش اور نیوزی لینڈ کے جارحانہ بلے باز کوری اینڈرسن کو کسی بھی فرنچائزی نے نہیں خریدا۔
17:59 February 18
کئی بڑے کھلاڑیوں کا ملی مایوسی
ویسٹ انڈیز کے تیز گیند باز شیلڈون کاٹریل، انگلینڈ کے شاندار اسپنر عادل راشد شان مارش کو خریدنے میں کسی بھی ٹیم نے دلچسپی نہیں دکھائی
17:52 February 18
ریلے میری ڈِتھ کو ملی بڑی رقم
آسٹریلیا کے گیند باز ریلے میری ڈِتھ کا بیس پرائز 40 لاکھ روپے تھا اور نہیں پنجاب کنگز نے 8 کروڑ روپے کی بڑی قیمت پر ٹیم میں شامل کیا۔
17:49 February 18
ناتھن کولٹر نائل ممبئی میں شامل
آسٹریلیا کے تیز گیند باز ناتھ کولٹر نائل کو ممبئی انڈیئنز نے 5 کروڑ روپے میں خریدا۔
17:41 February 18
کرشنپا گوتم کو ملی 9 کروڑ روپے کی بڑی قیمت
چنئی سُپر کنگز نے کرشنپا گوتم کو 9 کروڑ 25 لاکھ روپے میں خریدا، ان کا بیس پرائز 20 لاکھ روپے تھا۔
واضح رہے کہ کرشنپا گوتم ان کپیڈ کھلاڑی ہیں یعنی انہوں نے ابھی تک بین الاقوامی سطح پر نہیں کھیلا۔
17:38 February 18
شاہ رخ خان کو ملی بڑی قیمت
گھریلو سیزن میں بہترین کارکردگی کا مظاہرہ کرنے والے شاہ رخ خان کو پنجاب کنگز نے 5 کروڑ 25 لاکھ میں خریدا۔ ان کا بیس پرائز 20 لاکھ روپے تھا۔
17:33 February 18
ہربھجن سنگھ کو ملا خریدار، بنے کے کے آر کا حصہ
بھارت کے تجربہ کار آف اسپنر ہربھجن سنگھ کو پہلے راؤنڈ میں کسی بھی ٹیم نے نہیں خریدا تھا تاہم دوسرے راؤنڈ میں انہیں کولکاتا نائٹ رائیڈرز نے 2 کروڑ روپے میں ٹیم میں شامل کیا۔ ان کا بیس پرائز 2 کروڑ روپے تھا۔
17:31 February 18
محمد اظہرالدین کو آر سی بی نے خریدا
سید مشتاق علی ٹرافی ٹی 20 ٹورنامنٹ میں طوفانی سنچری بنا کر سرخیوں میں آنے والے کیرالا کے محمد اظہر الدین کو رائل چیلینجرز بنگلور نے 20 لاکھ روپے میں اپنی ٹیم میں شامل کیا۔
17:14 February 18
جے رچرڈسن کو ملی بڑی قیمت
آسٹریلیا کے گیند باز جے رچرڈسن کو پنجاب کنگز نے 14 کروڑ روپے کی بڑی قیمت پر خریدا۔
17:05 February 18
پیوش چاؤلہ بنے ممبئی اندیئز کا حصہ
بھارت کے تجربہ کار اسپنر پیوش چاؤلہ کو ممبئی انڈیئنز نے 2 کروڑ 40 لاکھ روپے میں خریدا۔
16:59 February 18
اسٹیو اسمتھ کو ملی نئی ٹیم
گزشتہ برس راجستھان رائلز کی قیادت کرنے والے سابق آسٹریلیائی کپتان اسٹیو اسمتھ کو دہلی کیپیٹلز نے 2 کروڑ 20 لاکھ روپے میں اپنی ٹیم میں شامل کیا ہے۔ ان کا بیس پرائز 2 کروڑ روپے تھا۔
اسمتھ کو راجستھان رائلز نے 12 کروڑ 50 لاکھ روپے میں خریدا تھا لیکن اس برس انہیں ریلیز کر دیا گیا تھا۔
16:52 February 18
ارون فنچ کو نہیں ملا خریدار
آسٹریلیا کے سابق کپتان ارون فنچ کو کسی بھی ٹیم نے نہیں خریدا۔ ان کا بیس پرائز ایک کروڑ روپے تھا۔
16:44 February 18
مستفیض الرحمن بنے راجستھان رائلز کا حصہ
بنگلہ دیش کے تیز گیند باز مستفیض الرحمن کا بیس پرائز ایک کروڑ روپے تھا اور اسی پرائز پر راجستھان رائلز نے انہیں اپنی ٹیم کا حصہ بنایا۔
16:36 February 18
ڈیوڈ ملان بنے پنجاب کا حصہ
ٹی 20 رینکنگ میں سرفہرست بلے باز انگلینڈ کے ڈیوڈ ملان کو ایک کروڑ 50 لاکھ روپے میں اپنی ٹیم میں شامل کیا۔ ان کا بیس پرائز ایک کروڑ 50 لاکھ روپے ہی تھا۔
16:30 February 18
کرس مورس نے توڑے تمام ریکارڈز
جنوبی افریقہ کے کرکٹر کرس مورس آئی پی ایل نیلامی کے سب سے مہنگے کھلاڑی بن گئے ہیں۔ انہیں راجستھان رائلز نے 16 کروڑ 25 لاکھ روپے کی خطیر رقم کے عوض اپنی ٹیم میں شامل کیا۔
16:25 February 18
کیدار جادھو بنے سن رائزرس کا حصہ
چنئی سُپر کنگز کے آل راؤنڈر کیدار جادھو کو خریدنے میں پہلے راؤنڈ میں کسی بھی ٹیم نے دلچسپی نہیں دکھائی تھی تاہم دوسرے راؤنڈ میں سن رائزرس حیدر آباد نے انہیں بیس پرائز پر ہی ٹیم میں شامل کر لیا۔ کیدار کا بیس پرائز 2 کروڑ روپے تھا۔
16:21 February 18
شکیب الحسن کو ملا خریدار
بنگلہ دیش کے آل راؤنڈر شکیب الحسن کو کولکاتا نائٹ رائیڈرز نے 3 کروڑ 20 لاکھ روپے میں خریدا۔
شکیب کا بیس پرائز 2 کروڑ روپے تھا۔ گزشتہ سیزن میں پابندی کے سبب شکیب لیگ میں شریک نہیں ہوسکے تھے۔
16:13 February 18
معین علی کو چنئی سُپر کنگز نے خریدا
انگلینڈ کے آل راؤنڈر معین علی کو چنئی سُپر کنگز نے 7 کروڑ روپے میں خریدا۔ معین کا پیس پرائز 2 کروڑ تھا اور انہیں ٹیم میں شامل کرنے کے لیے پنجاب اور چنئی سُپر کنگز نے بولی لگائی جس میں چنئی نے بازی ماری اور 7 کروڑ روپے میں معین علی کو اپنی ٹیم میں شامل کیا۔
16:01 February 18
جنوبی افریقہ کے کرکٹر کرس مورس آئی پی ایل نیلامی کے سب سے مہنگے کھلاڑی بن گئے ہیں۔ انہیں راجستھان رائلز نے 16 کروڑ 25 لاکھ روپے کی خطیر رقم کے عوض اپنی ٹیم میں شامل کیا۔
کنگز الیون پنجاب کی جانب سے ریلیز کئے جانے کے بعد گلین میکسویل کو رائل چیلینجرز نے 14 کروڑ 25 لاکھ روپے میں خریدا۔
