احمدآباد: آئی پی ایل 2023 کا 13واں میچ آج گجرات ٹائٹنز اور کولکاتا نائٹ رائڈرز کے درمیان دوپہر 3:30 بجے سے احمدآد کے نریندر مودی اسٹیڈیم میں کھیلا جائے گا۔ آئی پی ایل 2023 میں گجرات اور کولکاتا کے درمیان یہ پہلا مقابلہ ہوگا۔ دوسری جانب یہ دونوں ٹیمیں اس پچ پر صرف ایک بار ٹکرائی ہیں جس میں گجرات ٹائٹنز نے کولکاتا کو 8 رنز سے شکست دی تھی۔ گجرات کی ٹیم شاندار کھیل دکھا رہی ہے۔ گجرات نے آئی پی ایل 2022 میں اپنا کھیل جہاں چھوڑا تھا، وہیں سے اس نے آگے کھیلنا شروع کر دیا ہے۔ یہی وجہ ہے کہ اس نے اب تک کھیلے گئے 2 میں سے 2 میچ جیتے ہیں اور آج کا میچ جیت کر ہیٹ ٹرک لگانا چاہے گی۔
واضح رہے کہ گجرات کی ٹیم گزشتہ سیزن کی فاتح ہے۔ وہ اس سیزن میں بھی چیمپئن کی طرح کھیل رہی ہیں۔ گجرات نے اس سیزن کے اپنے دونوں ابتدائی میچ بہت آسانی سے جیت لیے ہیں۔ گجرات کی ٹیم اپنی بلے بازی میں کافی گہرائی رکھتی ہے۔ اس ٹیم میں تیز گیند بازوں اور اسپن باؤلرز کا بھی اچھا توازن ہے۔ آل راؤنڈرز بھی اچھی تعداد میں ہیں۔ سب سے اہم بات یہ ہے کہ تمام کھلاڑی اچھے فارم میں نظر آ رہے ہیں۔ گجرات کی ٹیم میں ریدھیمان ساہا، شبمن گل اور ڈیوڈ ملر جیسے بلے باز ہیں۔ ہاردک پانڈیا، راہل تیوتیا اور راشد خان جیسے آل راؤنڈر ہیں۔ اس ٹیم کا فاسٹ باؤلنگ اٹیک بھی خطرناک ہے۔ محمد شامی اور الزاری جوزف جیسے گیند باز ہیں۔ یہ تمام کھلاڑی اپنا کام بخوبی انجام دے رہے ہیں۔ جبکہ راشد خان اسپن کا زمہ اٹھا رکھا ہے۔