دھونی آئی پی ایل پریکٹس کے لیے چنئی پہنچے

گزشتہ برس کی مایوس کن کارکردگی کو پیچھے چھوڑتے ہوئے چنئی سُپر کِنگز کے کپتان مہندر سنگھ دھونی اور ان کے ساتھی امباتی رائیڈو آئی پی ایل کے آئندہ سیزن سے قبل پریکٹس کے لیے چنئی پہنچ گئے ہیں۔

چنئی پہنچنے کے فوراً بعد دھونی اور رائیڈو پانچ دنوں کے لیے کوارنٹین کے بعد ان کے تین کورونا ٹیسٹ کئے جائیں گے رپورٹ منفی آنے کے بعد وہ پریکٹس شروع کردیں گے۔

چنئی سُپر کِنگز نے ٹویٹ میں بھارتی کرکٹ ٹیم کے سابق کپتان مہندر سنگھ دھونی اور بلے باز امباتی رائیڈو کی چنئی آمد کی تصدیق کرتے ہوئے ایئر پورٹ پر ان کی تصویر کو ٹیگ کرتے ہوئے لکھا کہ 'تھلائیوا اسمائیل ود ماسک۔

بشکریہ ٹویٹر

چنئی سُپر کِنگز کے چیف ایگزیکٹیو آفیسر (سی ای او) کے ایس وشوناتھن نے کہا کہ دستیاب کھلاڑیوں کے ساتھ تربیتی سیشن 9 مارچ سے شروع ہونے کا امکان ہے۔

انہوں نے کہا کہ 'جو کھلاڑی دستیاب ہیں وہ پانچ دنوں کی لازمی کوارنٹین اور کورونا ٹیسٹ رپورٹس منفی آنے کے بعد تربیت میں حصہ لیں گے۔