IPL 2023 کم اسکور کا دفاع کرنے میں دہلی کامیاب، ٹیم کو خلیل اور امان کے طور پر دو نئے ہیرو ملے

دہلی کیپٹلز نے احمد آباد میں کھیلے گئے سنسنی خیز میچ میں گجرات ٹائٹنز کو 5 رنز سے شکست دے دی۔ دہلی کی اس جیت کے ہیرو ٹیم کے دو تیز گیند باز رہے، جب کہ امان خان نے شاندار بلے بازی کرتے ہوئے ٹیم کے لیے دفاعی اسکور بنائے۔

نئی دہلی: آئی پی ایل 2023 کے 44 ویں میچ میں دہلی کیپٹلس نے پوائٹس ٹیبل میں سر فہرست گجرات ٹائٹنز کو گھر پر شکست کا مزہ چکھایا۔ سنسنی خیز و کم اسکورنگ مقابلے میں دہلی نے گجرات کو 5 رنز سے شکست دی۔ اس جیت کے ساتھ ڈیوڈ وارنر کی قیادت والی دہلی کی پلے آف میں پہنچنے کی امیدیں بھی برقرار ہے۔ 23 کے اسکور پر پانچ وکٹ گنوانے کے بعد دہلی نے نریندر مودی کرکٹ اسٹیڈیم میں ایسا کھیل دکھایا کہ پورا احمد آباد دہلی ٹیم کا دیوانہ ہوگیا۔

پہلے بلے بازی کرتے ہوئے دہلی کیپٹلس کی ٹیم 23 رنز پر پانچ وکٹ گنوانے کے بعد مشکل میں نظر آئی۔ ٹیم کو شراکت داری کی اشد ضرورت تھی۔ ایسے میں امان حکیم خان دہلی کے لیے مسیحا بن کر سامنے آئے۔ امان نے عمدہ بیٹنگ کرتے ہوئے 44 گیندوں پر 51 رنز کی شاندار اننگز کھیلی۔ امان نے اکشر کے ساتھ مل کر چھٹی وکٹ کے لیے اہم شراکت داری کی۔ اس کے ساتھ ہی، ریپل پٹیل کے ساتھ مل کر انہوں نے دہلی کے اسکور بورڈ پر مقابلے کے قابل رنز بنائے۔

گجرات ٹائٹنز کی اننگز کے آخری اوور میں راہل تیوتیا اور کپتان ہاردک پانڈیا خود کریز پر کھڑے تھے۔ راہل شاندار شاٹس مار رہے تھے اور ہاردک بھی بھرپور فارم میں نظر آ رہے تھے۔ تاہم پہلے خلیل اور پھر ایشانت نے گیند سے ایسی تباہی مچائی کہ گجرات کے بہترین فنشر بھی بے بس نظر آئے۔ خلیل نے مشکل حالات میں 18ویں اوور میں صرف 4 رنز صرف دیے۔ اس کے ساتھ ہی ایشانت شرما نے آخری اوور میں تیوتیا اور ہاردک کے سامنے 12 رنز کا دفاع کرتے ہوئے دہلی کی سیزن کی تیسری جیت پر مہر ثبت کی۔ ایشانت نے میچ کے آخری اوور میں صرف 6 رن صرف دیے۔