آئی پی ایل: پاور پلے میں سب سے زیادہ نصف سنچری بنانے والا کھلاڑی

آئی پی ایل کی اب تک کی تاریخ میں ڈیوڈ وارنر واحد کھلاڑی ہیں جنہوں نے پاور پلے میں بلے بازی کرتے ہوئے ایک یا دو نہیں بلکہ 6 نصف سنچریاں بنائی ہیں۔

انڈین پریمیئر لیگ (آئی پی ایل) 2021 سیزن 9 اپریل بروز جمعہ سے شروع ہو رہا ہے جس کے لیے شائقین کے ساتھ ساتھ کھلاڑیوں میں بھی کافی جوش و خروش نظر آرہا ہے۔

آئی پی ایل میں ہر بار چوکوں اور چھکوں کی بارش ہوتی ہے۔ یہ تو سبھی جانتے ہیں ٹی 20 فارمیٹ میں ابتدائی چھ اوورز بیٹنگ ٹیم کے لیے کافی اہم ہوتا ہے کیوںکہ پہلے 6 اوورز کے کھیل میں پاور پلے دیکھنے کو ملتا ہے اور بلے باز اس پاور پلے کا پورا فائدہ اٹھانے کی کوشش کرتے ہیں۔ ٹی 20 کرکٹ میں پہلے چھ اوورز کے دوران گیند بازوں پر واقعی دباؤ ہوتا ہے۔

آج ہم آپ کو آئی پی ایل کے پاور پلے سے جُڑا ایک ایسا ریکارڈ بتائیں گے جس کے بارے میں شاید ہی آپ کو معلوم ہو۔

آئی پی ایل کی تاریخ میں ڈیوڈ وارنر واحد کھلاڑی ہیں جنہوں نے پاور پلے میں 6 نصف سنچری اسکور کی ہے۔ سن رائزرس حیدرآباد کے کپتان ڈیوڈ وارنر کے ذریعے پاور پلے میں بنائی گئی یہ 6 نصف سنچری اس بات کی گواہی دیتی ہے کہ پہلے 6 اوورز میں وارنر کی بلے بازی مخالف ٹیموں کے لیے کتنی خطرناک ہے۔

وارنر کے علاوہ کرس گیل نے پاور پلے میں 3 نصف سنچریاں بنائی ہیں جبکہ کے ایل راہل اور سنیل نرائن نے پہلے 6 اوورز میں دو دو نصف سنچری اسکور کی۔

آئی پی ایل ریکارڈ

اس بار بھی شائقین اور سن رائزرس حیدرآباد ٹیم انتظامیہ ڈیوڈ وارنر سے اسی طرح کی کارکردگی کی توقع کرے گی۔ 34 سالہ بائیں ہاتھ کے سلامی بلے باز اب تک 142 آئی پی ایل میچ کھیل چکے ہیں جس میں انہوں نے 141.54 کے اسٹرائیک ریٹ اور 42.72 کی اوسط سے 5254 رنز بنائے ہیں۔ آئی پی ایل میں وارنر کے نام چار سنچریاں اور 48 نصف سنچریاں درج ہیں۔

آئی پی ایل 14 میں ڈیوڈ وارنر کی قیادت میں آرینج آرمی(سن رائزرس حیدرآباد) 11 اپریل کولکاتہ نائٹ رائیڈرز کے خلاف اپنی مہم کا آغاز کرے گی۔

وہ کھلاڑی جنہوں نے آئی پی ایل میں پاور پلے کے دوران سب سے زیادہ نصف سنچری بنائی ہے۔

• ڈیوڈ وارنر۔ 6
• کرس گیل۔ 3
• کے ایل راہل۔ 2
• سنیل نرائن۔ 2