چنئی: چنئی سپر کنگز (سی ایس کے) نے انڈین پریمیئر لیگ 2023 کی نیلامی سے قبل ٹیم کے سرکردہ آل راؤنڈر ڈوین براوو سے معاہدہ ختم کر دیا ہے۔ سی ایس کے نے منگل کو اپنی سرکاری ویب سائٹ پر یہ جانکاری دی۔ سی ایس کے نے مطلع کیا کہ براوو، ایڈم ملنے، رابن اتھپا، کرس جارڈن، نارائن جگدیسن، ہری نشانت، کے ایم آصف اور بھگت ورما کو نیلامی سے پہلے معاہدہ سے آزاد کر دیا گیا ہے۔ Chennai Super Kings Release Dwayne Bravo
براوو 2011 سے سپر کنگز کا حصہ تھے اور انہوں نے 116 آئی پی ایل میچوں میں سپر کنگز کی نمائندگی کی۔ آل راؤنڈر براوو نے اس دوران 137.15 کے اسٹرائیک ریٹ سے 1004 رنز بنائے جبکہ گیند کے ساتھ 140 وکٹیں بھی حاصل کیں۔ ٹرینیڈاڈ اور ٹوباگو سے تعلق رکھنے والے 39 سالہ کرکٹر نے سی ایس کے کے ساتھ تین بار (2011، 2018 اور 2021) آئی پی ایل ٹائٹل جیتا ہے۔ Total matches Dwayne Bravo play for Chennai