دبئی: آئی پی ایل 2024 کی نیلامی میں آسٹریلیائی کپتان پیٹ کمنز نے پچھلے تمام ریکارڈ توڑ دیے ہیں۔ وہ انڈین پریمیئر لیگ کی تاریخ کے سب سے مہنگے غیر ملکی کھلاڑی بن گئے کیونکہ انہیں منگل کو سن رائزرز حیدرآباد نے 20.50 کروڑ روپے میں خرید لیا ہے۔ ان کی بنیادی قیمت 2 کروڑ روپے مقرر تھی۔
سب سے پہلے ممبئی انڈینز نے کمنز کو خریدنے کی کوشش کی لیکن جیسے جیسے قیمت بڑھتی گئی ممبئی کی جگہ رائل چیلنجرز بنگلور نے چنئی کے خلاف بولی لگانے کی جنگ میں شامل ہوگیا اور جب ایسا لگنے لگا کہ آر سی بی کمنز کے ساتھ چل پڑے گا تبھی حیدرآباد بولی کی جنگ میں داخل ہوگیا اور اگلے ہی لمحوں میں کمنز پر ریکارڈ بولی لگنے شروع ہوگئی۔
جیسے ہی حیدرآباد نے 20 کروڑ کا ہندسہ چھو لیا تو پورا ہال خوشی اور تالیوں سے گونج اٹھا اور آر سی بی نے آگے بولی لگانے سے ہار مان لی، جس کے ساتھ حیدرآباد نے 20.50 کروڑ روپے میں آسٹریلوی ورلڈ کپ جیتنے والے کپتان کی خدمات حاصل کر لیں اور کمنز آئی پی ایل کی تاریخ کے سب سے مہنگے غیر ملکی کھلاڑی کھلاڑی بن گئے۔ اس سے پہلے یہ ریکارڈ انگلینڈ کے سیم کرن کے نام تھا جسے 2023 کی آئی پی ایل نیلامی میں پنجاب کنگز نے 18.50 کروڑ روپے میں خریدا تھا۔
پیٹ کمنز نے 50 ٹی 20 میچز میں 55 وکٹیں حاصل کی ہیں۔ قابل ذکر ہے کہ کمنز نے آئی پی ایل 2023 سے وقفہ لے لیا تھا کیونکہ وہ ایشیز اور آئی سی سی ون ڈے کرکٹ ورلڈ کپ 2023 پر توجہ مرکوز کرنا چاہتے تھے۔ دائیں ہاتھ کے بلے باز کمنز کولکتہ نائٹ رائیڈرز کے لیے بھی کھیل چکے ہیں اور اب وہ ایس آر ایچ میں اہم کردار ادا کرنے کے لیے تیار ہیں۔
آئی پی ایل آکشن 2024 کے مہنگے کھلاڑی: اس سے قبل ورلڈ ٹیسٹ چیمپئن شپ کے فائنل اور ون ڈے ورلڈ کپ 2023 کے فائنل میں شاندار کارکردگی کا مظاہرہ کرنے والے ٹریوس ہیڈ کو سن رائزرس حیدرآباد نے 6.8 کروڑ کی قیمت میں خرید لیا۔ اس کے علاوہ نیوزی لینڈ کے ڈئریل مچل کو چنئی نے 14 کروڑ میں خریدا جبکہ ہرشل پٹیل کو پنجاب 11.75 کروڑ میں خرید لیا۔ وہیں ویسٹ انڈیز کے پاور ہٹر روومین پاول 7.4 کروڑ میں راجستھان رائلز کی ٹیم میں چلے گئے۔
