رائل چیلنجرز بنگلور (آر سی بی) کے کپتان وراٹ کوہلی نے پیر کو کھیلے گئے انڈین پریمیئر لیگ (آئی پی ایل) میچ میں سن رائزرس حیدرآباد کے خلاف جیت کا سہرا لیگ اسپنر یوزویندر چہل کو دیا۔
سن رائزرز ایک وقت میں دو وکٹ پر 121 رنز بنا کر اچھی پوزیشن میں نظر آرہا تھا لیکن چہل نے لگاتار دو وکٹ حاصل کر حیدرآباد کی ٹیم کو 153 رنز پر روک دیا اور ٹیم کو 10 رنز سے جیت دلائی۔
میچ کے بعد کوہلی نے کہا 'سچ پوچھیں تو یہ ایک زبردست میچ تھا۔ ہم نے اعتدال برقرار رکھا اور یوجی نے میچ کو مکمل طور پر ہمارے حق میں منتقل کردیا۔ انہوں نے ظاہر کیا کہ اگر آپ میں مہارت ہے تو آپ وکٹیں لے سکتے ہیں۔ کوہلی نے کہا 'چہل میچ کا رخ موڑ دیتا ہے۔
کوہلی نے آئی پی ایل میں اپنا پہلا میچ کھیل رہے دیودت پڈککل کی بھی تعریف کی، جنہوں نے 56 رنز بنائے۔ انہوں نے کہا 'ہم نے واقعی اچھی شروعات کی۔ دیودت نے اپنے ڈیبیو میچ عمدہ اننگز کھیلی۔ ساتھ ہی فنچ نے بھی عمدہ کھیل کا مظاہرہ کیا۔
جس طرح میچ کے دوران وارنر آؤٹ ہوئے اس پر انہوں نے کہا کہ 'مجھے یاد نہیں کہ میں اس طرح پہلے کب آؤٹ ہوا تھا۔ اس میچ میں کچھ چیزیں ایسی تھیں جو ہم نے پہلے نہیں دیکھی تھیں۔ چہل کا آخری اوور ٹرننگ پوائنٹ تھا۔ ہمیں اگلے میچ کے لیے یہ میچ بھولنا ہوگا اور سخت محنت کرنی ہوگی۔
یہ بھی پڑھیں: آئی پی ایل 2020: بنگلور نے حیدرآباد کو شکست دی
مچل مارش کا گیند بازی کرتے وقت ٹخنوں کا رخ موڑنا سن رائزرس کے لیے بھاری پڑا۔ اس کے باوجود وہ آخری لمحات میں بیٹنگ کرنے آئے، جس کے لئے وارنر نے ان کی تعریف کی۔
