آئی پی ایل ٹیم رائل چیلینجرس بینگلور کے کپتان وراٹ کوہلی نے دہلی کیپیٹلس کے خلاف مقابلے میں ایک بڑا ریکارڈ قائم کرلیا ہے۔
اس مقابلے میں وراٹ نے اپنی ٹیم کے لیے سب سے زیادہ رن بنائے ۔ انھوں نے 39 گیندوں پر دو چھکے اور ایک چوکا لگاکر 43 رنز بنائے تھے۔
اس مقابلے کے بعد وراٹ کوہلی نے ایک بڑا ریکارڈ اپنے نام کرلیا۔ اب وہ ٹی 20 کرکٹ میں نو ہزار رن مکمل کرنے والے پہلے بھارتی کھلاڑی بن گئے ہیں۔
انھوں نے اب تک 286 ٹی 20 میچ کھیلے ہیں۔ جس میں وہ اب تک 9033 رن بناچکے ہیں، جس میں ان کا اوسط 41.25 ہے۔
واضح رہے کہ دبئی انٹرنیشنل اسٹیدیم میں کھیلے جارہے آئی پی ایل مقابلے میں پیر کے روز دہلی کیپیٹلس اور رائل چیلینجر بنگلور کے درمیان مقابلے میں بینگلور 59 رنوں سے ہار گئی تھی۔