کے کے آر کی کنگ خان کو سالگرہ کی مبارکباد

بالی ووڈ کے کنگ خان اور کولکاتہ نائٹ رائیڈرز کے شریک مالک شاہ رخ خان اپنی 55 ویں سالگرہ منا رہے ہیں۔ اس خصوصی موقع پر کے کے آر کی پوری ٹیم نے ایک ویڈیو پیغام کے ذریعہ ان کو مبارک باد پیش کی ہے۔

کولکاتہ نائٹ رائڈرس( کے کے آر) نے اتوار کی رات راجستھان رائلز کو 60 رنز سے شکست دے کر پلے آف میں پہنچنے کی امیدوں کو روشن رکھا ہے۔ اگر وہ اس سیزن میں پلے آف میں پہنچ جاتی ہے اور ٹائٹل جیت جاتی ہے تو شاہ رخ کے لئے اس سے زیادہ کوئی اور تحفہ نہیں ہوگا۔

شاہ رخ خان اپنے بچوں کے ساتھ

کولکاتہ نائٹ رائیڈرز نے اپنے آفیشل فیس بک اکاؤنٹ پر ایک ویڈیو شائع کی ہے جس میں تمام کھلاڑی کنگ خان کو سالگرہ کی مبارکباد پیش کررہے ہیں۔اس دوران کھلاڑیوں نے شاہ رخ کے ساتھ پہلی فلم کے بارے میں بات چیت کی ۔ ایون مورگن اور پیٹ کمنس جیسے کچھ غیر ملکی کھلاڑی بھی موجود تھے ۔

کے کے آر کی کنگ خان کو سالگرہ کی مبارکباد

مورگن نے ویڈیو میں کہا کہ ہر شخص شاہ رخ کو ہندستان کا ٹام کروز کہتا ہے لیکن وہ ٹام کروز سے زیادہ پرجوش اداکار ہیں۔ اسی دوران جب پیٹ کمنس سے پوچھا گیا کہ وہ شاہ رخ کی کس فلم میں مرکزی کردار ادا کرنا چاہیں گے تو انہوں نے ایمانداری کے ساتھ جواب دیا اور کہا کہ انہوں نے کنگ خان کی کوئی فلم نہیں دیکھی ہے۔