کیگیسو ربادا کو ملی پرپل کیپ

دہلی کیپٹلس کے کھلاڑی کیگیسو ربادا نے پرپل کیپ تو جیت لی لیکن وہ چنئی سپرکنگس کے ڈیون بریوو کا ایک سیزن میں 32 وکٹ حاصل کرنے کا ریکارڈ نہیں توڑ سکے۔

دبئی میں دہلی کیپٹلس آئی پی ایل کا خطاب تو جیت نہیں سکی لیکن اس کے تیزگیندباز کیگیسیو ربادا نے ایک سیزن میں سب سے زیادہ وکٹ حاصل کرکے پرپل کیپ اپنے نام کرلیا ۔

دہلی کو منگل کے روز فائنل میں ممبئی انڈینس کے ہاتھوں شکست کا سامنا کرنا پڑا۔ پرپل کیپ کے لئے ربادا اور ممبئی انڈینس کے تیزگیندباز جسپریت بمراہ کے بیچ مقابلہ تھا۔ فائنل سے پہلے ربادا کے 29 وکٹ اور بمراہ کے 27 وکٹ تھے۔

ربادا نے پرپل کیپ تو جیت لی لیکن وہ چنئی سپرکنگس کے ڈیون بریوو کا ایک سیزن میں 32 وکٹ حاصل کرنے کا ریکارڈ نہیں توڑ سکے۔

واضح رہے کہ دہلی کیپٹلس کے کھلاڑی کیگیسو ربادا نے آئی پی ایل 2020 میں 17 میچ کھیلے جن میں 30 وکٹ حاصل کیے ۔