سن رائیزرس حیدر آباد کے کپتان ڈیوڈ وارنر نے ٹاس جیت کر ممبئی کو بلے بازی کی دعوت دینے کا فیصلہ کیا تھا جسے اس کے گیند بازوں نے درست قرار دیتے ہوئے ممبئی کو بڑا اسکور کرنے سے روک دیا۔
ممبئی انڈین کی جانب سے کپتان روہت شرما اور کوئنٹن ڈی کاک نے اننگ کی شروعات کی۔ گزشتہ کئی میچوں سے ٹیم سے باہر رہنے والے روہت شرما کچھ خاص کمال نہیں دکھاسکے اور محض 4 رنز بنا کر آؤٹ ہوئے۔
اس کے بعد ڈی کاک اور سوریہ کمار یادو نے ٹیم کو سنبھالنے کی کوشش لیکن بڑا شاٹ لگانے کی چکر میں ڈی کاک بھی پویلین لوٹ گئے تاہم ایشان کشن اور سوریہ کما یادو نے بالترتیب 33 اور 36 رنز بنا کر ٹیم کو شروعاتی بحران سے نکالا لیکن ان کے رنز بنانے کی رفتار کافی سست رہی۔
ممبئی انڈینز کی نصف ٹیم 82 رنز پر پویلین لوٹ گئی تھی لیکن کیرون پولارڈ نے 25 گیندوں میں 2 چوکوں اور 4 فلک بوس چھکوں کی مدد سے 41 رنز بناکر ٹیم کو باعزت اسکور تک پہنچایا۔
سن رائیزرس حیدرآباد کی جانب سے سندیپ شرما سب سے کامیاب گیند باز رہے اور 3 وکٹیں حاصل کیں۔ جیسن ہولڈر اور شہباز ندیم نے دو دو اور راشد خان نے ایک بلے باز کو پویلین کی راہ دکھائی۔
