شارجہ کرکٹ اسٹیڈیم میں کھیلے گئے آئی پی ایل سیزن 13 کے 23 ویں مقابلے میں دہلی کیپیٹلس نے راجستھان رائلس کو 46 رنز سے شکست دے دی۔ ٹاس ہارنے کے بعد پہلے بلے بازی کرتے ہوئے دہلی نے مقررہ 20 اوورز میں 8 وکٹ کے نقصان پر 184 رنز بنائے۔ جواب میں راجستھان رائلس کی پوری ٹیم 19 اوورز اور 4 گیندوں میں 138 رنز بنا کر آؤٹ ہو گئی۔
راجستھان رائلس کی جانب سے راہل تیوتیا نے سب سے زیادہ 38 رنز بنائے جبکہ یشسوی جیسوال نے 34 رنز بنائے۔
دہلی کی طرف سے کاگیسو ربادا نے سب سے زیادہ تین وکٹیں حاصل کیں جبکہ رویچندرن اشون اور مارکس اسٹونیس نے دو دو وکٹیں حاصل کیں۔