بنگلور کو شکست دے کر چنئی نے ہار کا سلسلہ توڑا

چنئی سُپر کنگز نے آئی پی ایل کے 44 ویں میچ میں رائل چیلینجرز بنگلور کو 8 وکٹوں سے ہراکر اپنی شکستوں کے سلسلے کو روک لیا۔

چنئی سُپر کنگز نے رتو راج گائیکواڑ کی شاندار نصف سنچری اور امباتی رائیڈو کے 39 رنز کی بدولت رائل چیلینجرز بنگلور کو 8 وکٹوں سے شکست دے دی۔

بنگلور کی جانب سے 146 رنز کے ہدف کا تعاقب کرنے اتری چنئی کی شروعات اچھی رہی اور اس کے سلامی بلے بازوں نے پہلے وکٹ کے لیے 46 رنز کی پارٹنرشپ کی، حالانکہ فاف ڈوپلیسس 25 رنز بنا کر آؤٹ ہوگئے لیکن انہوں نے ٹیم کی مضبوط بنیاد رکھی۔

اس کے بعد امباتی رائیڈو کریز پر آئے اور سلامی بلے باز رتو راج گائیکواڑ کے ساتھ مل کر 67 رنز کی پارٹنرشپ کی، رائیڈو 27 گیندوں میں 39 رنز بنا کر یزویندر چہل کا شکار بنے تاہم اس دوران گائیکواڑ نے اپنی پہلی آئی پی ایل نصف سنچری مکمل کی۔

رائل چیلینجرز بنگلور کی جانب سے کرس مورس اور یزویندر چہل نے ایک ایک وکٹ حاصل کئے۔