سابق آسٹریلیائی کرکٹر ڈین جونس کا انتقال

سابق آسٹریلیائی کرکٹر ڈین جونس کا دل کا دورہ پڑنے سے انتقال ہوگیا۔ ان کی عمر 59 برس تھی۔

ڈین جونس آئی پی ایل براڈ کاسٹرزس کی کمنٹری ٹیم کا حصہ تھے۔ وہ بہترین کرکٹ تجزیہ کار تھے۔ انہیں متحدہ عرب امارات میں جاری انڈین پریمیئر لیگ (آئی پی ایل) 2020 پر آف ٹیوب کمنٹری کے لیے منتخب کیا گیا تھا۔

بشکریہ ٹویٹر

میلبورن میں پیدا ہونے والے ڈین جونس نے آسٹریلیا کی جانب سے 52 ٹیسٹ میچ کھیلے ہیں جس میں انہوں نے 46.55 کے اوسط سے 3631 رنز بنائے ہیں۔ ان کا بہترین اسکور 216 ہے۔ جونز نے مجموعی طور پر 11 سنچریاں بنائی ہیں۔ وہ ایلن بارڈر کی ٹیم کے اہم رکن تھے۔

جونز نے 164 یک روزہ میچوں میں آسٹریلیائی ٹیم کی نمائندگی کی تھی جس میں انہوں نے 7 سنچریوں اور 46 نصف سنچریوں کی مدد سے 6068 رنز بنائے ہیں۔